ია კერზაიას საქმე - „ევროპული საქართველო“ მთავარ პროკურორს პარლამენტში იბარებს

პოლიტიკა - 16:20, 26 Mar, 2019

655

ია კერზაიას საქმე - „ევროპული საქართველო“ მთავარ პროკურორს პარლამენტში იბარებს. ამის შესახებ განცხადება პარტიის ერთ-ერთმა ლიდერმა სერგი კაპანაძემ გააკეთა:

„პროკურატურამ დაიწყო თითქოს გამოძიება მაგრამ არც ერთი ადამიანი არ დასჯილა. ის ადამიანები, რომლებიც უშუალოდ მონაწილეობდნენ ერთის მხრივ მეექვსე საჯარო სკოლის ეგზეკუციაში და მეორეს მხრივ, რომლებიც იბარებდნენ ქალბატონ ია კერზაიას და მასზე ახორციელებდნენ ზეწოლას, მხედველობაში მყავს რესურსცენტრის ხელმძღვანელი ქალაქ ზუგდიდში ბატონი ფარცვანია, ყველანი არიან ჯერ კიდევ თავის თანამდებობებზე. დღეს სამართლიან არჩევნებმა გამოაქვეყნეს დასკვნა რომელითაც ჩვენი ეჭვები დადასტურდა,“-განაცხადა სერგი კაპანაძემ.

„ევროპული საქართველოს“ ასევე მოუწოდებს განათლების მინისტრს პოლიტიკური პასუხისმგებლობის აღებისა და თაბამდებობის დატოვებისკენ:

„პირველ რიგში იმისთვის რომ მოეფინოს ამ საქმეს ნათელი მნიშვნელოვანია, რომ განათლების მინისტრმა აიღოს ამ საქმეზე პასუხისმგებლობა. მას უნდა გაეთავისუფლებინა ეს ადამიანები თანამდებობიდან. მან ეს არ გააკეთა. ეს ნიშნავს, რომ ის იზიარებს ამ პასუხისმგებლობას. ამიტომ უნდა დადგეს მისი პოლიტიკური პასუხისმგებლობის საკითხი,“-განაცხადა სერგი კაპანაძემ.