"ეს არის ძირის გამოთხრა ჟენევის ფორმატისთვის, მათ აწყობთ მხოლოდ აბაშიძე-კარასინის შეხვედრა ივანიშვილი-პუტინის არაფირნალური მესიჯებისთვის"- გოცირიძის რუსეთის ინტერეხების გატარებაზე

პოლიტიკა - 15:02, 26 Mar, 2019

780

ფრაქცია "ერთიანი ნაციონალური მოძრაობის" თავმჯდომარე რომან გოცირიძე თვლის, რომ ჟენევის საერთაშორისო დისკუსიების ფორმატის რევიზია რუსეთის ინტერესებშია. მისი თქმთ, განცხადება, თითქოს ჟენევის ფორმატზე უკეთესი რაღაც უნდა მივიღოთ, სინამდვილეში არის ჟენევის ფორმატისთვის ძირის გამოთხრა.

„ჟენევის ფორმატის რევიზია არის რუსეთის ინტერესებში. განცხადება, რომ თითქოს ჟენევის ფორმატზე უკეთესი რაღაც უნდა მივიღოთ, ეს სინამდვილეში არის მაინც ჟენევის ფორმატისთვის ძირის გამოთხრა. დღემდე სწორედ ჟენევის ფორმატის დატოვებით გვემუქრება რუსეთი. ის ამბობს, რომ იმ ერთადერთი ფორმატიდანაც გავიდეთ, სადაც შეიძლება საერთაშორისო თანამეგობრობასთან ერთად რუსეთს ველაპარაკოთ და მათ აწყობთ მხოლოდ აბაშიძე-კარასინის შეხვედრა, სადაც არაფორმალური მესიჯები მიდის ივანიშვილისგან და ფორმალური მესიჯები - პუტინისგან. ეს ფორმატი აწყობთ რუსებს. ამიტომ დღეს, ვიდრე წინასწარ არ იქნება შეთანხმებული ჩვენს მეგობარ სახელმწიფოებთან, რომ შესაძლებელია მსგავსი ინიციატივის დაყენება, ეს განცხადება არის სერიოზული პოლიტიკური შეცდომა,"- განაცხადა რომან გოცირიძემ.

ცნობისთვის, ჟენევის მოლაპარაკებათა ფორმატის ცვლილების ინიციატივით პრეზიდენტი ზურაბიშვილი გამოდის.