საბანკო რეგულაციები - „ევროპული საქართველოს“ ერთ-ერთი ლიდერის ირმა ნადირაშვილის განცხადებით, შემოღებული რეგულაციები მოსახლეობაზე უარყოფითად აისახება. ნადირაშვილი რეგულაციებს უაზროს უწოდებს:

„თუ გვენეტაძე ჯერ კიდევ ვერ მიხვდა, რამხელა შარში გახვია მთელი ქვეყანა, როგორ ემუქრება მისი რეგულაციები ბიზნესს, ადამიანებს სამუშაო ადგილებს აკარგვინებს და ადამიანები მძიმე მდგომარეობაში არიან ჩამდგარი ამ უაზრო რეგულაციების შედეგად, ჩვენ გვინდა, რომ სწრაფად მოვისმინოთ ანგარიში, როგორია პირველი კვარტლის შედეგები. გვენეტაძეს მოვუწოდებთ, ამ თემაზე სასაუბროდ, როგორც დაპირებული იყო, პარლამენტში მოვიდეს,“ - განაცხადა ირმა ნადირაშვილმა.