„ქართულმა ოცნებამ“ მთაწმინდაზე მაჟორიტარი დეპუტატის კანდიდატად ლადო კახაძე წარადგინა. აღნიშნულის შემდეგ, კახაძემ ჟურნალისტებისთვის კომენტარი გააკეთა და განაცხადა, რომ ის ბიძნა ივანიშვილს პირადად არ იცნობდა ახლოს, დღევანდელ შეხვედრაზე კი ყოველივე სხვანაირად წარიმართა:

„ჩემს ასაკში უკვე, როცა შვილიშვილების ბაბუა ხარ, ელოდები ასეთ დაძახებას - ბაბუ! რომ დაგიძახებენ და მთელი შენი მინავლებული ენერგია თავს მოიყრის და ამ დიდებულ ძალაში ძალიან ბევრი მეგობარი, ახლობელი მყავს. მართალი გითხრათ, პირადად, ბატონ ბიძინას ასეთი სითბოთი არ ვიცნობდი, როგორიც დღეს გამოვლინდა და კიდევ ერთხელ დადასტურდა, რომ ჩვენ იმ თაობის წარმომადგენლები ვართ, რომლებსაც მშობლების მიმართ პატივისცემა და წინაპრების მიმართ დიდი კდემა არ დაგვიკარგავს და განსაკუთრებული მზრუნველობა შვილების და შვილიშვილების მიმართ,“ - განაცხადა ლადო კახაძემ.