"ნატო, რა თქმა უნდა, აცხადებს ინტერესს შავი ზღვის რეგიონში უსაფრთხოებაზე. საქართველოსთან გვაქვს ამ საკითხებზე საუბარი"

"ნატო, რა თქმა უნდა, აცხადებს ინტერესს შავი ზღვის რეგიონში უსაფრთხოებაზე. საქართველოსთან გვაქვს ამ საკითხებზე საუბარი" - სტოლტენბერგი

პოლიტიკა - 11:02, 25 Mar, 2019

884

შავი ზღვის რეგიონის უსაფრთხოების კუთხით არსებული გამოწვევები და ნატო-ს ინტერესები - ამ საკითხზე ისაუბრა იენს სტოლტენბერგმა პრემიერთან შეხვედრაზე.

ნატოს გენერალური მდივანი აცხადებს, რომ ამ რეგიონში რუსეთის ინტერესები აშკარაა და ამას ადასტურებს ხომალდები უკრაინის საზღვართან. სტოლტენბერგის თქმით, ნატო აცხადებს ინტერესს შავი ზღვის რეგიონში და მიმდინარეობს ინტენსიური მუშაობა და მოლაპარაკებები პარტნიორ ქვეყნებთან, მათ შორის საქართველოსთან უსაფრთხოების საკითხებზე.

„უნდა გავაცნობიეროთ, რომ მნიშვნელოვანი კონსტრუქციები ჩალაგდა, ყირიმის ანექსიის, რუსეთის მოკალათების კუთხით შავი ზღვის საზღვარზე. უკრაინის საზღვარზე ხომალდები განლაგებულია და ეს მეტყველებს რუსეთის ინტერესებზე. ნატო რა თქმა უნდა აცხადებს ინტერესს შავი ზღვის რეგიონში უსაფრთხოებაზე. საქართველოსთან გვაქვს ამ საკითხებზე საუბარი. ჩვენ უფრო მეტი საზღვაო ხომალდები გვაქვს, უფრო მეტი სამხედრო თანამშრომელი გვყავს, მათ შორის რუმინეთში და სხვა ქვეყნებში და პარტნიორებთან ვმუშაობთ, მათ შორის საქართველოსთან შავი ზღვის უსაფრთხოების საკითხებზე. ჩვენ პრინციპში ორი ხომალდია შავი ზღვის აკვატორიაში, ერთი დიდი ბრიტანეთიდან, მეორე არის ფრანგული ხომალდი და რამდენიმე დღის წინ, რამდენიმე ნატოს ხომალდი მონაწილეობას იღებდა პოსეიდონის სახელობის სწავლებაში, იმის თაობაზე თუ როგორ შეიძლება განაღმვა მოხდეს აკვატორიაში.

მნიშვნელოვანი აქცენტები კეთდება თურქეთზე, ბულგარეთზე, რუმინეთზე, რომელიც შავი ზღვის მოსაზღვრეები არიან. ჯამში გაზრდილია აქცენტები შავი ზღვის უსაფრთხოების. საქართველოში ვმუშაობთ ამ საკითხებზე, რომ გამოწვევები რასაც ვხედავთ იქნეს დაძლეული და თანამშრომლობა გრძელდება საქართველოს საზღვაო ნაწილთან იმისათვის, რომ ჩვენ უფრო მეტი შევძლოთ საქართველოსთან თანამშრომლობის კუთხით, თავდაცვისუნარიანობის გაზრდის მიზნით,“-აცხადებს სტოლტენბერგი.