,,სისხლის გუბეში ცურავდა და მაინც უმოწყალოდ ურტყამდა დანას, არასრულწლოვანი შვილები ჰყავთ

,,სისხლის გუბეში ცურავდა და მაინც უმოწყალოდ ურტყამდა დანას, არასრულწლოვანი შვილები ჰყავთ'' - ხაშურში მომხდარი შემზარავი ფაქტის დეტალები

კრიმინალი - 10:54, 25 Mar, 2019

21565

ხაშურში, რუსთაველის ქუჩაზე მდებარე სილამაზის სალონში 30 წლის ქალი საკუთარმა მეუღლემ დაჭრა. ახალგაზრდა ქალს ოპერაცია უკვე ჩაუტარდა. არსებული ინფორმაციით, მისი მდგომარეობა კრიტიკულად მძიმეა.

შინაგან საქმეთა სამინისტროს თანამშრომლებმა სავარაუდო დამნაშავე 1986 წელს დაბადებული მამაკაცი უკვე დააკავეს. დანა ნივთმტკიცებად არის ამოღებული.

,,სალონში მისულა და ცოლისთვის უთქვამს უნდა გელაპარაკოო, გვერდით ოთახში გაიყვანა და იქ დაურტყავს დანა. სისხლის გუბეში ცურავდა თურმე და მაინც უმოწყალოდ ურტყავდა. ფზიქიკური პრობლემები ჰქონია, ამის გამო საავადმყოფოშიც კი ჰყავდათ. სხვა არაფერი ვიცი. ორი არასრულწლოვანი შვილი ჰყავთ." -აცხადებს ერთ-ერთი ადგილობრივი ,,დიანიუსთან საუბრისას

შინაგან საქმეთა სამინისტროს ინფორმაციით, გამოძიება საქართველოს სისხლის სამართლის კოდექსის 11 პრიმა 10-109 მუხლის მე-2 ნაწილის "ვ" ქვეპუნქტით მიმდინარეობს, რაც განზრახ მკვლელობის მცდელობას დამამძიმებელ გარემოებაში ოჯახის წევრის მიმართ გულისხმობს, რაც 13-დან 17-წლამდე თავისუფლების აღკვეთას ითვალისწინებს.