"არა ოკუპაციას" - ევროპის სხვადასხვა ქალაქში ქართველმა ემიგრანტებმა რუსეთის საელჩოებთან ჩვენი ქვეყნის ოკუპაცია და ადამიანის გატაცების გახშირებული შემთხვევები გააპროტესტეს. ემიგრანტები ამბობენ, რომ ხელისუფლება დღეს არ აქტიურობს და მოქალაქეებს სხვა გზა აღარ დარჩენიათ გარდა იმისა, რომ საკუთარი ძალებით მიაწვდინონ ხმა საერთაშორისო თანამეგობრობას.

ევროპის რამდენიმე ქალაქში, რუსეთის საელჩოებთან აქცია მოძრაობა „ერთად სახლშის“ ინიციატივით გაიმართა.

ქართველი ემიგრანტები გმობენთ რუსეთის მიერ საქართველოს ტერიტორიის ოკუპირებას. ისინი თვლიან რომ ოკუპანტები არ უნდა გადმოდიოდნენ ასე თავისუფლად საქართველოს ტერიტორიაზე და არ უნდა იტაცებდნენ და კლავდნენ ჩვენ მოქალაქეებს.

ქართველმა ემიგრანტებმა საპროტესტო შინაარსის ბანერები მიიტანეს იტალიაში რუსეთის საელჩოს შენობასთანაც და ჩვენი სამშობლოს ოკუპაცია, ადამიანების მკვლელობა და გატაცების გახშირებული შემთხვევები გააპროტესტეს.

საპროტესტო აქცია გაიმართა ბერლინშიც, სადაც ქართველ ემიგრანტებს უკრაინელებიც შეუერთდნენ, ვისი სამშობლო ნაწილი ასევე მიტაცებული აქვს ოკუპანტ ქვეყანას. აქაც შეკრების ორგანიზატორი მოძრაობა ერთად სახლში იყო, საპროტესტო აქციის ადგილი კი რუსეთის ფედერაციის საელჩოს მიმდებარე ტერიტორია.

ემიგრანტების მსვლელობა და საპროტესტო აქცია გაიმართა სალონიკშიც, სადაც ქართველმა ემიგრანტებმა კიდევ ერთხელ დაგმეს ოკუპირებულ ტერიტორიებზე ადამიანების გატაცებისა და მკვლელობის გახშირებული შემთხვევები და საერთაშორისო საზოგადოებას კიდევ ერთხელ შეახსენეს, რომ ჩვენი ქვეყნის 20% ოკუპირებულია.