ეროვნულ-დემოკრატიული პარტიის თავმჯდომარე ბაჩუკი ქარდავა ენმ-ში განახლების პროცესს მიესალმება ძალიან მნიშვნელოვნად მიიჩნევს იმ ფაქტს, რომ ენმ-ს სათავეში ჩაუდგა ის ადამიანი, რომელმაც ბიძინა ივანიშვილი საპრეზიდენტო არჩევნებში ფაქტიურად დაამარცხა.

„ის ადამიანი, რომელმაც გაერთიანებულ ოპოზიციასთან ერთად ფაქტიურად დაამარცხა ბიძინა ივანიშვილის ხელისუფლება საპრეზიდენტო არჩევნებში, გახდა მთავარი ოპოზიციური ძალის ოფიციალური თავმჯდომარე. ეს მნიშვნელოვანი ფაქტორია და მთავარი თეზისები, რასაც დღეს ჩვენ ვისმენდით ამ პარტიის ყრილობაზე იყო კონსოლიდირება პოლიტიკური ძალების, კონსოლიდირება ოპოზიციის და ყველას მიმართვა იქითკენ, რომ მთავარი ამოცანაა - ქვეყანაში ოლიგარქიული მმართველობა ქვეყანაში ერთხელ და სამუდამოდ დასრულდეს“ - განაცხადა ბაჩუკი ქარდავამ.