„ევროპული საქართველოს“ ლიდერმა დავით ბაქრაძემ, მარნეულში, მერის შუალედურ არჩევნებში პარტიის კანდიდატი, აჰმედ იმამყულიევი წარადგინა.

ბაქრაძემ მოსახლეობას ნოვრუზ ბაირამის დღესასწაული მიულოცა და მშვიდობა და წარმატებები უსურვა. მან ქვეყანაში გაზრდილ სიღარიბეზე, უმუშევრობასა და კრიმინალზე ისაუბრა და განაცხადა, რომ თითოეული არჩევნები ხელისუფლების წინააღმდეგ ბრძოლისთვის უნდა გამოიყენონ.

მისი თქმით, ხელისუფლებას არ ესმის ხალხის პრობლემები და გაჭირვება და ის მხოლოდ საკუთარ თავზე ზრუნავს.

მარნეულელების წინაშე "თავისუფალი დემოკრატების" ლიდერი შალვა შავგულიძეც გამოვიდა, რომელიც „ევროპული საქართველოსა“ და „თავისუფალი დემოკრატების“ ბლოკმა მთაწმინდაზე მაჟორიტარობის კანდიდატად წარადგინა.

აჰმედ იმამყულიევის განცხადებით, რომ მარნეულში, „ქართული ოცნების“ მმართველობის პერიოდში, არაფერი გაკეთებულა და ადგილზე ხელისუფლება აუცილებლად უნდა შეიცვალოს.

"მარნეულელები ვიქნებით პირველები, ვინც დაამარცხებს დღევანდელ ოლიგარქიულ მმართველობას საქართველოში,“ - აღნიშნა იმამყულიევმა.