„ია კერზაიას გარდაცვალების საკითხი ვიცი, რომ განსაკუთრებულ კონტროლზე აქვს პროკურატურას და დარწმუნებული ვარ შედეგი დადგება“

„ია კერზაიას გარდაცვალების საკითხი ვიცი, რომ განსაკუთრებულ კონტროლზე აქვს პროკურატურას და დარწმუნებული ვარ შედეგი დადგება“ - გიორგი გახარია

პოლიტიკა - 23:48, 22 Mar, 2019

947

შინაგან საქმეთა მინისტრმა სამეგრელოში, ზუგდიდის ერთ-ერთი სკოლის დირექტორის გარდაცვალებასთან დაკავშირებით, ჟურნალისტების კითხვებს უპასუხა. გიორგი გახარიას განცხადებით, ეს საქმე განსაკუთრებულ კონტროლზე აქვს აყვანილი პროკურატურას და სწრაფად არის გამოსაძიებელი.
„ძალიან ხმამაღალი განცხადებებია, რომ არჩვენების დროს ვაკონტროლებდით სიტუაციას სამეგრელოში. მე რა თქმა უნდა პროცესში ჩართული ვიყავი. ეს ჩემი კუთხეა და როგორც ჩავდიოდი ისე გავაგრძელებ სიარულს და ვერავინ ვერ ამიკრძალავს. რაც შეეხება ამ ტრაგიკულ შემთხვევას, აქ გამოძიება უნდა მივიდეს ბოლომდე და თუ ვინმე იყო დამნაშავე, უნდა დაისაჯოს.
მე ვამბობ, რომ ამ ქვეყანაში პრივილეგირებუობა უნდა დასრულდეს, ეს არ ეხება მარტო ბანკირებს. ჩვენ რატომ აღვძრავთ საქმეს როგორც კი ოდნავი ეჭვი არსებობს. ჩვენ ნაბიჯ-ნაბიჯ უნდა მოვიპოვოთ ნდობა ჯერ საზოგადოების, მერე თქვენი, ამიტომ ეს ნდობა მოიპოვება კითხვებზე პასუხების გაცემით. რაც უფრო ნაკლები იქნება ღიად დარჩენილი საკითხები და კითხვები, მეტი იქნება ნდობა. რა თქმა უნდა იდეალური სამყარო არ არსებობს. ია კერძაიას გარდაცვალების საკითხი მე ვიცი, რომ ეს განსაკუთრებულ კონტროლზე აქვს პროკურატურას და შედეგი აქ დადგება, მე ამაში დარწმუნებული ვარ. გეთანხმებით, რომ ეჭვის საფუძველი არსებობს. განათლების მინისტრი ერთხელ თუ ორჯერ გამოცხადდა პარლამენტში და გასცა პასუხები შეკითხვებს. შემდგომ, პროკურატურაში საქმე აღიძრა. როგორც მოქალაქეს მქონდა ინტერესი ამ საქმესთან დაკავშირებით და როგორც ვიცი მიმდინარეობს საკმაოდ დინამიურად და გაეცემა პასუხი ყველა შეკითხვას, ვიცი რომ შვილი არის დაკითხული, სრულად არის ჩართული ამ პროცესში.
ერთადერთი რაც ამ შემთხვევაში შემიძლია გითხრათ იმ სულისკვეთებაში, რომ ეს საქმე არის სწრაფად გამოსაძიებელი. ამაში გიერთდებით როგორც ერთი რიგითი მოქალაქე.“- განაცხადა გიორგი გახარიამ.