"ოცნების სტრატეგიაა დაქსასვა, დაშინება და ბუნებრივია "ევროპული საქართველოს" და "თავისუფალი დემოკრატების" გაერთიანების ეშინიათ"- ელენე ხოშტარია

პოლიტიკა - 19:29, 22 Mar, 2019

884

"ევროპული საქართველოს" წევრი ელენე ხოშტარია ირაკლი კობახიძის განცხადებას პასუხობს.

ხოშტარიას თქმით, პარლამენტის თავმჯდომარის მხრიდან მსგავსი კომენატრის გაკეთება "ქართული ოცნების" შიშზე მიუთითებს.

"პარლამენტის თავმჯდომარისგან მოვისმინეთ მორიგი აგრესიული განცხადება ევროპული საქართველოს და თავისუფალი დემოკრატების ბლოკის წინააღმდეგ. ის აგრესია, რაც ირაკლი კობახიძის განცხადებაშია, კარგად აჩვენებს რამდენად არ სიამოვნებს, ტკივა და ეშინია ქართულ ოცნებას სწორედ ასეთი გაერთიანებების. ქართული ოცნების სტრატეგიაა - დაქსასვა, დაშინება და ბუნებრივია მათ ამ გაერთიანების ეშინიათ. მნიშვნელოვანია ის, რომ სწორედ ფასეულობების გაერთიანებაა ჩვენი და "თავისუფალი დემოკრატების" გაერთიანება და ჩვენ რა გაკვეთილებიც მივიღეთ წარსულიდან, არის ის, რომ შალვა შავგულიძე სამართლიანად იდგა პრინციპების სადარაჯოზე და სამართლიანად აკრიტიკებდა მაშინდელ ხელისუფლებას. სწორედ "ქართული ოცნება" ღალატობს ამ პრინციპებს და არასდროს არ იზიარებდა, რადგან მათთვის მურუსიძე, რომელიც ამ დანაშაულის მონაწილე იყო, დღეს მათთვის საჭირო და გამოსადეგი ადამიანია და სწორედ მათ არ იციან ფასეულობები და პრინციპები, რდგან მთელ სასამართლო სისტემას აფუძნებენ ასეთი ტიპის მოსამართლეებით. ამიტომ, პრინციპებზე და ფასეულობებზე საუბარი "ოცნების" მხრიდან არის წარმოუდგენელი უტიფრობა. მათ უღალატეს სამართლიანობას და კანონის უზენაესობის პრინციპს" - განაცხადა ელენე ხოშტარიამ.