„თუ არ შეწყდება ზეწოლა და შანტაჟი „თიბისის“ მიმართ და „ომეგა ჯგუფს“ არ მიეცემა შესაძლებლობა, განაგრძოს საქმიანობა, ვაცნობებთ მსოფლიოს საქართველოს მთავრობის ამ აგრესიულ თავდასხმებზე“

„თუ არ შეწყდება ზეწოლა და შანტაჟი „თიბისის“ მიმართ და „ომეგა ჯგუფს“ არ მიეცემა შესაძლებლობა, განაგრძოს საქმიანობა, ვაცნობებთ მსოფლიოს საქართველოს მთავრობის ამ აგრესიულ თავდასხმებზე“ - ფადი ასლი

პოლიტიკა - 12:08, 22 Mar, 2019

954

საქართველოს პრემიერ-მინისტრს საერთაშორისო სავაჭრო პალატა ღია წერილით მიმართავს.

სავაჭრო პალატის პრეზიდენტისთვის ფადი ასლისთვის გაუგებარია, რა გახდა ინვესტორთა საბჭოს 26 მარტს ჩანიშნული შეხვედრის უვადოდ გადადების მიზეზი:

„თუ უახლოეს დღეებში არ შეწყდება ზეწოლა და შანტაჟი ჩვენი წევრის, „თიბისის“ მიმართ და არ დაიხურება პროკურატურის მიერ შეთითხნილი ბრალდება, თუ ჩვენს წევრს, “ომეგა ჯგუფს” არ მიეცემა შესაძლებლობა განაგრძოს თავისი საქმიანობა ჩვეულ რეჟიმში, ჩვენ სხვა არჩევანი აღარ გვრჩება, გარდა იმისა, რომ ოფიციალურად ვაცნობოთ და მსოფლიოს მასშტაბით გავაფრთხილოთ ICC-ის ყველა ეროვნული კომიტეტი იმ აგრესიული თავდასხმების, ზეწოლისა და შანტაჟის შესახებ, რასაც საქართველოს მთავრობა ახორციელებს ადგილობრივი ბიზნესისა და უცხოელი ინვესტორების წინააღმდეგ.

ჩვენ ვალდებულნი ვართ გავაფრთხილოთ უცხოური კომპანიები საქართველოში არსებული ბიზნეს რისკების შესახებ. გულწრფელად ვიმედოვნებთ, რომ ბატონი ივანიშვილი საბოლოოდ გააცნობიერებს იმ ვითარების სერიოზულობას, რომელშიც ჩააყენა ქვეყანა. იმოქმედებს საქართველოს საუკეთესო ინტერესების გათვალისწინებით, რათა ბოლო მოეღოს ზეწოლას ყველა იმ კომპანიაზე, რომელსაც თავს ესხმის და უპირობოდ გაუღებს კარს უცხოურ ინვესტიციებსა და ყველა ქართულ ბიზნესს, მიუხედავად მათი პოლიტიკური ორიენტაციისა, რათა საქართველოს მოსახლეობისთვის შეიქმნას სამუშაო ადგილები და კეთილდღეობა,“ - აღნიშნულია განცხადებაში.