საქართველოს პარლამენტის თავმჯდომარე 2018 წლის საპრეზიდენტო არჩევნებს ნეგატიურად შეაფასა.

"შეიძლება ითქვას, რომ საპრეზიდენტო არჩევნები იყო ყველაზე ცუდი არჩევნები 2012 წლის შემდეგ" - თქვა კობახიძემ კონფერენციაზე, სადაც სწორედ არჩევნებთან დაკავშირებული საკითხები განიხილება.

მისი თქმით, იყო უაღრესად აგრესიული კამპანია, რომელიც პირველივე დღიდან დაიწყო.

"პოლიტიკური გარემო ჯერ კიდევ ჩვენს ქვეყანაში აბსოლუტურად პოლარიზებულია. ვფიქრობდით, რომ არასწორი იყო საპარლამენტო სისტემაში პირდაპირი წესით პრეზიდენტის არჩევა. იმ პირობებში, როდესაც საპრეზიდენტო კანდიდატებს არ აქვთ საარჩევნო პროგრამები, საარჩევნო კამპანია მთლიანადაა ორიენტირებული პერსონალურ თავდასხმებსა და აგრესიაზე. ამიტომ დიდწილად მოსალოდნელი იყო ასეთი სახით კამპანიის წარმართვა.

ზოგადად იყო მნიშვნელოვანი ხარვეზები, რაშიც ბრალი აქვს სხვადასხვა მხარეს. ბევრი რამ არის გასაკეთებელი, რომ ეს ზოგადი გარემო შეიცვალოს ჩვენს ქვეყანაში", - აღნიშნა კობახიძემ.

მისი თქმით, თითოეული ჩვენგანისთვის უმნიშვნელოვანესი ამოცანაა თავისუფალი და სამართლიანი არჩევნების ჩატარება, რა კუთხითაც დიდი პროგრესი იგრძნობა.