საქართველოს პარლამენტში იმფრასტრუქტურის მინისტრს უსმენენ, რომელიც ანაკლიის პორტის პროექტის მნიშვნელობაზე საუბრობს. ენმ-ის წევრი სალომე სამადაშვილი დაინტერესდა ჰყავს თუ არა ინფრასტრუქტურის სამინისტროს მოძიებული ალტერნატიული ინვესტორი იმ შემთხვევისთვის, თუ დღევანდელი კონსორციუმი ვერ მოახერხებს აღებული ვალდებულებების შესრულებას.

„არსებობს თუ არა ალტერნატიული ინვესტორი, რომელიც თქვენთან უკვე საუბრობს იმ შემთხვევაში თუ დღევანდელი კონსორციუმი ვერ მოახერხებს იმ პირობების შესრულებას და თქვენ მიიღებთ გადაწყვეტილებას რომ შეიცვალოს ინვესტორი. ვინ არის ალტერნატიული ინვესტორი. ჩვენ მოვისმინეთ, რომ ფოთის პორტს გაუწევს ანაკლიის პორტი კონკურენციას და ამიტომ ფოთის პორტის დღევანდელი მფლობელებისთვის თუ გამკარგავებისთვის მათ შორის ბატონი ჩხარტიშვილისთვის ძალიან მნიშვნელოვანია ანაკლიის პორტის პროექტის ჩაშლა. მაინტერესებს თქვენი შეფასება რამდენად შეიძლება არაკეთილსინდისიერ კონკურენციასთან გვქონდეს საქმე,“-განაცხადა სალომე სამადაშვილმა.