თეა წულუკიანმა რუსეთთან საერთაშორისო სასამართლოში მიმდინარე საქმეებთან დაკავშირებით ოპოზიციის კრიტიკას უპასუხა.

„თქვენ არ მოგწონთ, როდესაც მე პოლიტიკურ რიტორიკაში მოგყვებით, თქვენ მე ვერ მიხილავთ თქვენ წინაშე დაბეჩავებულს, ხმააკანკალებულს, თავის მართლების რეჟიმში მყოფს...“- მიმართა წულუკიანმა ენმ-ს წარმომადგენლებს და რუსეთთან ურთიერთობის სტრატეგია მოითხოვა, მისი თქმით, დადოს ოპოზიციამ რეალულრი სტრატეგია და ისიც და საგარეო სამეთა სამინისტროც ამას გამოიყენებს.

წულუკიანმა მისი მისამართით გაკეთებული განცხადების გამო „პატრიოტთა ალიანსის“ წევრი ადა მარშანიაც გააკრიტიკა:

„მან მირჩია, რომ ასეთი ტონით ნუ დამელაპარაკებიო, არა ქალბატონო ადა, მე თქვენ აღარ დაგელაპარაკებით, არც ამ ტონით, არც იმ ტონით და აღარანაირი ტონით. იმიტომ რომ იმ პარტიას და ქალბატონ ირმას ვცემ პატივს, რომელთანაც ბრძოლა გამივლია. მაგრამ ძალიან გთხოვთ ქალბატონო ადა რუსული ნარატივით ამ ტრიბუნიდან ნუ საუბრობთ და საუკეთესო მაგალითი იყო რუსული ნარატივის, სალომე ზურაბიშვილის შემდეგ, თქვენი გამოსვლა.“- განაცხადა თეა წულუკიანმა.