საქართველოს პრემიერ-მინისტრმა მამუკა ბახტაძემ სოციალური ქსელის საშუალებით მოქალაქეთა კითხვებს უპასუხა. ვიდეომიმართვის ფარგლებში, ბახტაძემ კომენტარი „თიბისი ბანკთან“ დაკავშრებითაც გააკეთა და განაცხადა, რომ აღნიშნულ ბანკთან დაკავშირებით, არანაირი საქმე არ არსებობს.

პრემიერ-მინისტრის თქმით, გამოძიება არა ბანკის საქმეზე, არამედ სულ სხვა ტრანზაქციაზე მიმდინარეობს:

„არანაირი საქმე თიბისის გარშემო არ არსებობს. ეს არაერთხელ განვაცხადე. „თიბისიმ“ და ეროვნულმა ბანკმა გააკეთეს ერთობლივი განცხადება და ეს საქმე და ეს პრობლემა არის ამოწურული. საქმე და გამოძიება მიმდინარეობს სულ სხვა ტრანზაქციაზე, სადაც ფიზიკური პირები შეიძლება მონაწილეობდნენ,“- განაცხადა ბახტაძემ.

ბახტაძე ანაკლიის პრორტის მშენებლობასაც შეეხო და განაცხადა, რომ აღნიშნული პროექტის ინიციატორები თავად იყვნენ:

„ანაკლიის პორტი, როგორც იდეა დაიბადა ჩვენს პოლიტიკურ გუნდში და ამავე დროს ის არის ჩვენი ეკონომიკური სტრატეგიის უმნიშვნელოვანესი ნაწილი“, - განაცხადა ბახტაძემ.