„სამოქალაქო მოძრაობა“ მაჟორიტარული საარჩევნო სისტემის გაუქმების შესახებ შეთანხმებას უერთდება და დღეიდან საქართველოს მასშტაბით ხელმოწერების შეგროვებას იწყებს.

აღნიშნული ინიციატივა ალექსანდრე ელისაშვილმა და ლევან იოსელიანმა გუნდის სხვა წევრებთან ერთად, მოსახლეობას გლდანის მეტროსთან გააცნეს. მათ ხელმოწერების შეგროვებაც სწორედ ამ ლოკაციიდან დაიწყეს:

„ეს ქვეყანა ვერ ვითარდება და ვერ მიდის წინ, იმიტომ, რომ პარლამენტში არიან ფეოდალი პარაზიტები მაჟორიტარების სახით მოკალათებული, რომელიც უკვე 25-30 წელია პარლამენტში არიან და მთავრობიდან მთავრობისკენ გადადიან. ისინი აფერხებენ ქვეყნის განვითარებას და ეს პარაზიტები უნდა ჩამოვაშოროთ მმართველობის სისტემას, ანუ ეს სიტემა გავაუქმოთ. ამისთვის ვაგროვებთ ხელმოწერებს,“- განაცხადა ელისაშვილმა.