საქართველოს იუსტიციის მინისტრი თეა წულუკიანი „მინისტრის საათის“ ფარგლებში უმაღლეს საკანონმდებლო ორგანოში იმყოფება. წულუკიანს „ერთიანი ნაციონალური მოძრაობის“ წევრმა სალომე სამადაშვილმა მიმართა და აშშ-ის სახელმწიფო დეპარტამენტის ანგარიში შეახსენა, სადაც იგი არის მოხსენიებული:

„თქვენ ბევრი ისაუბრეთს საერთაშორისო ტრიბუნალებზე ჩვენი სახლემწიფოს დაცვის აუცილებლობაზე, მაინტერესებს, მოვისმინო თქვენი, როგორც იუსტიციის მინისტრის პოლიტიკური შეფასება, დაეხმარება თუ არა საქართველოს ინტერესებს, საქართველოს პრეზიდენტის მიერ, ქალბატონის სალომე ზურაბიშვილის მიერ გაკეთებული განცხადებები იმის თაობაზე, რომ საქართველოს ხელისუფლებამდ დაბომბა საქართველოს ტერიტორია. რა ზეგავლენას იქონიებს ეს ჰააგაში მიმდინარე პროცედურებზე და ზოგადად, განგვიმარტეთ თქვენი სტრატეგია ჰააგასა და სტრასბურგთან მიმართებით.

ძალიან წარმატებულად კი თვლით თავს ქალბატონო თეა, მაგრამ სახელმწიფო დეპარტამენტის ანგარიშში პერსონალურად ხართ მოხსენებული, როგორც ადამიანი, რომელმაც დაანგრია ქვეყანაში ყველანაირი ნდობა პროკურორის და საპროკურორო სისტემის მიმართ.

კონსტიტუცია რომ შეიცვალა, საერთოდ განიხილავთ თუ არა, რომ ახალი პროცედურები იქნას გამოყენებული და ამ ქვეყანაში, ერთხელ მაინც გვეღირსოს პროკურორი, რომელსაც საზოგადოების ნდობა ექნება და არა მხოლოდ თქვენი ქალბატონო თეა“, - მიმართა სამადაშვილმა წულუკიანს.