საქართველოს იუსტიციის მინისტრის ულტიმატუმი მამუკა ბახტაძეს და შენარჩუნებული თანამდებობა - აღნიშნულზე საუბრისას არჩილ თალაკვაძე აცხადებს, რომ იყო მცდელობა, საქმიანი დისკუსია გარკვეულ ძალებს დაპირისპირებად მოენათლათ წულუკინსა და ბახტაძეს შორის.

თალაკვაძის თქმით, საკითხი ამოწურულია და პრემიერ-მინისტრის ამოცანაა, განსხვავებული პოზიციების შეჯერება:

„იყო მცდელობა, რომ ეს საქმიანი დისკუსია დაპირისპირებად მოენათლათ მედიაში. მაგრამ ეს იყო მიმდინარე საკითხი, რომელიც მთავრობის კომპეტენციას განეკუთვნება. ეს საკითხი ამოიწურა. პრემიერ-მინისტრი არის მთავრობის ხელმძღვანელი და მისი ამოცანაა, რომ ყველა განსხვავებული პოზიცია შეაჯეროს და ისე მიიღოს გადაწყვეტილება. ხელისუფლების მიერ მიღებული გადაწყვეტილებების მთავარი მიზანი ის კი არ არის, რომ ხელისუფლების რომელიმე წევრმა მოიგოს ან წააგოს, მთავარი მიზანია, რომ მოიგოს ქვეყანამ და საზოგადოებამ,“ - განაცხადა არჩილ თალაკვაძემ.