„ოცნებამ" იმიტომ გაიყვანა ეს ადამიანი პრეზიდენტად, რომ ზიანი მიადგეს ეროვნულ ინტერესებს“ - სერგი კაპანაძე ზურაბიშვილის სკანდალურ განცხადებებზე

პოლიტიკა - 12:53, 20 Mar, 2019

796

"ევროპული საქართველოს" ერთ-ერთი ლიდერი სერგი კაპანაძე პრეზიდენტ სალომე ზურაბიშვილის სკანდალურ განცხადებას ეხმაურება.

სალომე ზურაბიშვილმა პტრეზიენტის რანგში საქართველოს მესამე პრეზიდენტი ცხინვალისა და ჩვენი მოსახლეობის დაბომბვაში დაადანაშაულა.

ოპოზიციონერის შეფასებით, ზურაბიშვილი ვერ იგებს რა ზიანს აყენებს მისი განცხადებები ქვეყნის ინტერესებს.

"სხვა ახსნა არ აქვს, "ქართულმა ოცნებამ" იმიტომ გაიყვანა ეს ადამიანი პრეზიდენტად, რომ ზიანი მიადგეს ეროვნულ ინტერესებს. ქალბატონი ზურაბიშვილი არ ეშვება ზიანის მიყენებას ჩვენი ინტერესებისთვის, როგორც ჩანს, ვერ გაისიგრძეგანა და ვერ გაიგო, რომ მისი ყოველი ფრაზა, რომელსაც ეჭვი შეაქვს 2008 წლის ომთან დაკავშირებით, პირდაპირ არის გამოყენებული საქართველოს წინააღმდეგ ჰააგაშიც და სხვაგანაც, როგორც დიპლომატიურად ისე სასამართლოებში.

ვერ გაიგო ამ ქალმა ეს და „ქართულმა ოცნებამ“, როგორც ჩანს, იმიტომ წარადგინა ეს ადამიანი პრეზიდენტად და იმიტომ გაიყვანა, რომ იქნება რაიმე ზიანი მიადგეს ქვეყნის ეროვნულ ინტერესებს - სხვა ახსნა ამას არ აქვს,"-განაცხადა კაპანაძემ.

მისი თქმით, ნებისმიერი განცხადება, რომ ჟენევა არის გადასახედი ანტისახელმწიფოებრივი ინტერესების გატარებაა. კაპანაძე ამბობს, რომ პრეზიდენტი ვერ ხვდება ჟენევის შეხვედრების შედეგის დასრულების რეალურ მიზეზს.

„ქალბატონ სალომეს არ ესმის, თუ რომ ჟენევაში პროგრესი არ გვაქვს ეს იმას კი არ ნიშნავს, რომ ფორმატია ცუდი, ეს არის იმის ბრალი, რომ მოსკოვში ამის ნება არ არის და მოსკოვზე უნდა გაიზარდოს წნეხი. ის რომ ფორმატს აბრალებს ეს არის პირველკურსელის დონეზე დაშვებული შეცდომა და ძალიან სამწუხარო, რომ ასეთი პრეზიდენტი გვყავს,“-განაცხადა კაპანაძე.