საყოველთაო მობილიზება უმრავლესობაში კვაჭანტირაძის გადასაყენებლად - "დეპუტატებს ვთხოვეთ, რომ მოსულიყვნენ და თავისი სამსახურებრივი მოვალეობა შეესრულებინათ"

პოლიტიკა - 18:22, 19 Mar, 2019

1223

მას შემდეგ რაც მმართველმა გუნდმა ზვიად კვაჭანტირაძე თანამდებობიდან ვერ გადააყენა, საქმეში მძიმე პარტიული არტილერია ჩაერთო, დაინიშნა ბიუროს სხდომა, გამოაცხადეს საყოველთაო საპარლამენტო მობილიზაცია და საკითხი ხელმეორედ გამოიტანეს კენჭისყრაზე. საბოლოო კვაჭანტირაძემ თანამდებობა მეორე კენჭისყრამდე საკუთარი განცხადებით დატოვა.

„დეპუტატებს ვთხოვეთ, რომ მოსულიყვნენ და თავისი სამსახურებრივი მოვალეობა შეესრულებინათ,“ - განაცხადა ფრაქცია "ქართული ოცნების" თავმჯდომარემ, მამუკა მდინარაძემ.

მან უარყო მისივე თანაგუნდელის, მათიკაშვილის განცხადება რომ დეპუტატებს ღილაკები აერიათ და თქვა, რომ გუნდმა მობილიზება ვერ შეძლო.

„არანაირი ღილაკი არ არევია არავის, ახლა ნუ გადათარგმით ასე. ღილაკი კი არ აერიათ, იყო გაურკვევლობა, რომ ზოგმა ჩათვალა, რომ არ იყო საჭირო ხმის დაფიქსირება, რადგან გადაყენებაზე იყო და ა.შ. მაგრამ ამას თავი დავანებოთ, მობილიზაციაც არ იყო შესაბამისი. ჩვენ ჩვენი მინუსი იმ შემთხვევაში ჩვენ თვითონ უნდა ვთქვათ - შესაბამისი მობილიზაცია არ იყო და როცა იყო შესაბამისი მობილიზაცია, სანამ არ იყო უფრო სწორად, მანამდე ბატონი ზვიადი არ გააყენა,“ - განაცხადა მამუკა მდინარაძემ.