„კობახიძე უმწიფარია“ - ირაკლი ღლონტი პარლამენტის თავმჯდომარეზე

პოლიტიკა - 16:17, 19 Mar, 2019

1672

პარტიის - ,,კანონი და სამართალი“ გენერალური მდივანი ირაკლი ღლონტი პარლამენტის თავმჯდომარის განცხადებას, რომ დიასპირის კომიტეტი არაეფექტურ საქმიანობას ანხორციელებდა, უმწიფარს უწოდებს

„პარლამენტის თავმჯდომარე ირაკლი კობახიძემ დღესაც არ დააღვია ტრადიცია და კიდევ ერთხელ გამოავლინა პოლიტიკური უმწიფრობა. თუ მისი შეფასებით დიასპორის კომიტეტი ამ ხნის განმავლობაში ახორციელებდა არაეფექტურ საქმიანობას, ამის შესახებ პრეტენზიები მანამ უნდა დაეფიქსირებინა, ვიდრე „ოცნებისა“ და ზვიად კვაჭანტირაძის გზები გაიყოფოდა.

პარლამენტის თავმჯდომარის დღევანდელი განცხადება იმის ლუსტრაციაა, რომ ხელისუფლება უპასუხისმგებლოდ ეკიდება ქართულ დიასპორასთან დაკავშირებულ საკითხებს და ამ განცხადებით კიდევ ერთხელ დასტურდება, რომ ყველა სახელმწიფო ინსტიტუცია, მათ შორის, საკანონმდებლო ორგანო ჩამოშლილია და პირუთვნელად ემსახურება მხოლოდ და მხოლოდ პარტიის თავმჯდომარის, ბიძინა ივანიშვილის პირად და კომერციულ ინტერესებს.

სამწუხაროდ, სრულად იგნორირებულია 1 700 000 -ზე მეტი ქართველი ემიგრანტის ინტერესები და უფლებები, ხელისუფლება კომფორტის ზონაშია და ერთადერთი, რასაც ჩვენი ოჯახებიდან უცხოეთში გადახვეწილი ხალხისგან ელოდება, ფულადი გზავნილებია, რომლის დიდი ნაწილიც ხმარდება სწორედ ამ უმწიფარი და დილეტანტი ჩინოვნიკების კომფორტს,“ - აცხადებს ღლონტი.