"მსმენია, რომ „ნაციონალური მოძრაობის“ დროს, ზოგიერთი თქვენგანი მაგიდაზე ასული სვამდა სააკაშვილის სადღეგრძელოს"

"მსმენია, რომ „ნაციონალური მოძრაობის“ დროს, ზოგიერთი თქვენგანი მაგიდაზე ასული სვამდა სააკაშვილის სადღეგრძელოს" - ბოკუჩავა უმრავლესობას

პოლიტიკა - 14:57, 19 Mar, 2019

1682

2 დღეა პარლამენში მძიმე ბრალდებები ისმის. უმრავლესობიდან წასული ეკა ბესელია ყოფილ თანაგუნდელებს უპირისპირდება და მათ წარსულს ახსენებს. ბესელიამ თქვა, რომ უმრავლესობის რიგი დეპუტატები „ნაციონალური მოძრაობის“ ხელისუფლებაში ყოფნის დროს მაგიდის ქვეშ იმალებოდნენ.

ამის შემდეგ კი „ნაციონალური მოძრაობის“წევრმა თინა ბოკუჩავამ ასე მიმართა: "მსმენია, რომ „ნაციონალური მოძრაობის“ დროს მაგიდაზე ასულები მიხეილ სააკაშვილის სადღეგრძელოებს სვამდა ზოგიერთი თქვენთაგანი".

„ნაციონალური მოძრაობის“ დროს მაგიდის ქვეშ იმალებოდნენ ამ დარბაზში მსხდომებიო. ეს ნამდვილად არ ვიცოდი, თუმცა მე მსმენია, რომ „ნაციონალური მოძრაობის“ დროს მაგიდაზე ასულები მიხეილ სააკაშვილის სადღეგრძელოებს სვამდა ზოგიერთი თქვენთაგანი. ასე რომ, მართლაც ძალიან სამარცხვინოა ასეთი მედროვეობა კოლეგებო, მაგრამ ამ დარბაზში მე უკვე არაფერი მიკვირს, იმიტომ, რომ ყოველგვარი სირცხვილის ზღვარი გადალახულია, როდესაც უმრავლესობა საკუთარ ყოფილ წევრს სჯის იმის გამო, რომ მან განსხვავებული აზრი დააფიქსირა და სადამსჯელო ოპერაციად იყენებს მისი კომიტეტის თავმჯდომარეობიდან გადაყენებას“, - განაცხადა თინა ბოკუჩავამ.