უზენაესი სასამართლოს ყოფილი თავმჯდომარის ყოფილი თანაშემწე კახა წიქარიშვილი მორიგ სკანდალურ განცხადებას აკეთებს და ამბობს, რომ გვენეტაძემ წასვლის წინ თავად თქვა, ძალადობის მსხვერპლი ვარო. წიქარიშილმა არ იცის, უზენაესი სასამართლოს ყოფილი თავმჯდომარე ისევ იმყოფება თუ არა საფრთხის ქვეშ

„რამდენჯერმე ვთხოვე შეხვედრა, მაგრამ ვერ შევხდი. გამოვიდეს და ღიად დააფიქსიროს საკუთარი აზრი სასამართლოში მიმდინარე მოვლენებთან დაკავშირებით. ერთად ვგეგმავდით მთელ რიგ ღონისძიებებს ამ კლანის წინააღმდეგ, მან ვერ შეძლო კლანის დამარცხება და იძულებული იყო, ეთანამშრომლა ამ კლანთან, მივიდა რაღაც პიკამდე, მორალურ პიკამდე. ორი კლანია ცერცვაძე-ჩინჩალაძისა და კუბლაშვილის კლანები იყო. ცერცვაძე-ჩინჩალაძეს ჰყავთ თავისი ჯგუფები და მართავდნენ სასამართლოებს. 2012 წლამდე ამ ჯგუფებით ხდებოდა ცუდი საქმეებით მანიპულირება და კეთება რასაც კობახიძე ცუდ საქმეს ეძახის. დიდი ხანია სასამართლოსი არის მორჩილების სინდრომი. მე მივწერე წერილი წულუკიანს, ვთხოვე, შექმნილიყო კომისია , რომ შეესწავლა სასამართლოს სიტუაცია. ეს არის იგივე კლანი ვინც მართავდა სასამართლოს წინა ხელისუფლების დროსაც. უზენაესი სასამართლოს თავმჯდომარემ ვერ გაუძლო ზეწოლას, მარგველაშვილის წარდგენილი მოსამართლეები ხმას ვერ იღებენ, ეს ნიშნავს, რომ მოსამართლეთა კორპუსი ვერ იღებს ხმას.

გვენეტაძემ მხარი დაუჭირა ჩინჩალაძეს, 2016 წელს მე მთხოვა მომემზადებინა საქმე ჩინჩალაძის წინააღმდეგ, მას საქმეები არ ჰქონდა განხილული წლების განმავლობაში. მე არ ვურჩიე დევნის დაწყება იმიტომ, რომ ვადა ეწურებოდა და მხარს არ დაუჭერდა იუსტიციის საბჭო და არ დაიწყო დევნა ჩინჩალაძის წინააღმდეგ. რაც შეეხება მურუსიძეს, გვინდოდა მურისუძისთვის ჩამოგვეცილებინა დისციპლინური უფლებები,“ - განაცხადა წიქარიშვილმა.