20-ზე მეტი ოპოზიციური პარტია, რომელიც კონსტიტუციაში შესატან ცვლილებებთან დაკავშირებით ხელმოწერებს აგროვებს, არასამთავრობო ორგანიზაციების წარმომადგენლებს შეხვდა.

მესამე სექტრორი წარმომადგენლები აღნიშნავენ, რომ ისინი ხმების შეგროვების კამპანიაში არ ერთვებიან, თუმცა მაჟორიტარული სისტემის გაქუმებას მხარს უჭერენ.

არასამთავრობო ორგანიზაციების წარმომადგენლებმა დღეს სპეციალურ ბლანკებზე საკუთარი ხელმოწერა დააფიქსირეს.

შეხვედრიდან გამოსული მესამე სექტორის წარმომადგენლები ერთხმად აღნიშნავდნენ, რომ პროპორციული საარჩევნო სისტემა ქვეყნის დემოკრატიისთვის ძალიან მნიშვნელოვანია.

"ყველაფერს გავაკეთებთ იმისთვის, რომ საქართველოს პარლამენტი დავარწმუნოთ, რომ 2020 წელს საარჩევნო სისტემის მოდეფიცირებაზე და პროპორციულ საარჩევნო სისტემაზე გადასვლაში. ვგეგმავთ ამ მიმართულებით გვქონდეს აქტივობები"- აღნიშნა კონსტიტუციონალისტმა ვახუშტი მენაბდემ.

მოსახლეობის ინფორმირების აუცილებლობაზე და ამ საქმეში ჩართულობაზე საუბრობს "საერთაშორისო გამჭვირვალობა საქართველოს" აღმასრულებელი დირექტორი ეკა გიგაური.

"ჩვენი ორგანიზაცია აგრძელებს ამ მიმართულებით მუშაობას. რა თქმა უნდა შევეცდებით, მეტი ინფორმაცია მივაწოდოთ ჩვენს მოსახლეობას, რამდენად მნიშვნელოვანია პროპორციულ საარჩევნო სისტემაზე გადასვლა. დღევანდელი საარჩევნო სისტემა არის არასამართლიანი და დაახლოებით 32%-ის მიღების შემთხვევაში პარტიამ შეიძლება საკონსტიტუციო უმრავლსეობა მიიღოს პარლამენტში, რაც არასამართლიანია და არ შეიძლება ასეთი სისტემა გვქონდეს ქვეყანაში"- აცხადებს გიგაური.