ოკუპირებულ აფხაზეთში გაურკვეველ ვითარებაში გარდაცვლილი 28 წლის ირაკლი კვარაცხელიას შესახებ ლიეტუვას საგარეო საქმეთა მინისტრმა, ლინას ლინკევიჩუსმა კომენტარი გააკეთა. ლინკევიჩუსმა აღნიშნულის შესახებ ევროკავშირის საგარეო საქმეთა მინისტერიალზე ისაუბრა:

„ოკუპირებულ ტერიტორიებზე გრძელდება ადამიანის უფლებათა უხეში დარღვევა. ბოლო შემთხვევა ოკუპირებული აფხაზეთის ტერიტორიაზე ზედმიწევნით, გამჭვირვალედ და სწრაფად უნდა იქნეს გამოძიებული. ის, რაც მოხდა, კიდევ ერთი დასტურია იმისა, თუ რა ხდება და ეს მიუღებელია“, - განაცხადა ლინას ლინკევიჩუსმა.

ირაკლი კვარაცხელია 12 მარტს ნაბაკევის სამხედრო ბაზაზე გარდაიცვალა. 28 წლის კვარაცხელია გუშინ დაკრძალეს.