საზღვარგარეთ მცხოვრები ქართველები ოკუპანტების მიერ მოკლული ირაკლი კვარაცხელიას ოჯახს, სამძიმარს უცხადებენ. საპროტესტო აქციები, ლოზუნგით - „არა ოკუპაციას“ დღეს ევროპის რამდენიმე ქალაქში იმართება.

აქციები მიმდინარეობს ათენსა და სალონიკშ, სადაც რუსულ ოკუპაციას საქართველოს მოქალაქეებთან ერთად, უკრაინელებიც აპროტესტებენ, რომლებიც დღეს აქციაზე საქართველოსთვის სოლიდარობის გამოსახატად, საგანგებოდ მივიდნენ. რამდენიმე საათში ანალოგიური აქცია იტალიაშიც გაიმართება.

რუსული ოკუპაციის კიდევ ერთი მსხვერპლი, ირაკლი კვარაცხელია სენაკის საკათედრო ტაძრიდან ცოტა ხნის წინ გამოასვენეს.