ხმაური პარლამენტში - ერთმანეთს „ევროპული საქართველოს“ წევრი ოთარ კახიძე და უმრავლესობის ლიდერი, მამუკა მდინარაძე დაუპირისპირდნენ.

„დამშვიდდი, ნერვები უნდა დაიმშვიდო მამუკა. ჩემი რჩევაა შენ მიმართ, ნერვებს გაუფრთხილდი,“ - მიმართა კახიძემ მდინარაძეს.

კახიძე იურიდიულ საკითხთა კომიტეტის სხდომაზე უზენაესი სასამართლოს მოსამართლეების შერჩევის კრიტერიუმებთან დაკავშირებით ევროპული საქართველოს მიერ მომზადებულ კანონპროექტს წარადგენს. საკითხის განხილვა ხმაურით მიმდინარეობს.

მდინარაძის თქმით, კახიძის მიერ წარდგენილი კანონპროექტი "სისულელეა".

„ათი წუთია, გეხვეწება კაცი და სიმართლე ვერ გათქმევინა, თუმცა სიმართლეს როგორც კი იტყვი, მიხვდები, რომ სისულელეა ეს, კანონპროექტი კი არ არის და ჩემთვის, როგორც იურისტისთვის, ეს არის შეურაცხმყოფელი,“ - აღნიშნა მამუკა მდინარაძემ.

„ბევრჯერ თუ გამოიყენებენ სიტყვა სისულელეს, შენ თვითონ გამოჩნდები სულელად“, - მიმართა კოლეგას კახიძემ.