„არ შეიძლება ტექნიკური ხარვეზი მოსვლოდათ მაინცდამაინც ოლიგარქის ჭიშკართან“- ხაბეიშვილი თბილისის გენგეგმის სკანდალზე

პოლიტიკა - 13:09, 15 Mar, 2019

1145

დედაქალაქის გენერალური გეგმა და მორიგი სკანდალი - ოპოზიციამ გუშნ გაასაჯაროვა ფაქტები, რომლის თანახმადაც ბოტანიკური ბაღის 14 ათას კვადრატულ მეტრს სტატუსი ეცვლება და მასზე მშენებლობის ნებართვა გაიცემა. საუბარია ტერიტორიაზე, რომელიც ბიძინა ივანიშვილის სოლოლაკის სასახლეს ესაზღვრება.

დედაქალაქის მერისა და საკრებულოს უმრავლესობის წევრების განცხადებით, გუშინ ფიქსირდებოდა ხარვეზი, რაც დღეს გამოსწორებული იქნება.

საკრებულოს ფრაქცია „ნაციონალური მოძრაობის“ წევრი ლევან ხაბეიშვილი მიიჩნევს, რომ ცვლილება გენერალურ გეგმაში გუშინ გასაჯაროვებული ფაქტების შემდეგ, სასწრაფოდ შეაქვთ:

„ჩვენ ვაპირებდით გენერალური გეგმის მხარდაჭერას და არა კალაძე-ივანიშვილის ბიზნესგეგმის მხარდაჭერას, ჩვენ ვაპირებდით გენერალური გეგმის ექსპერტების მიერ ნამუშევრის მხარდაჭერას და არა კახი კალაძის პირადი დეველოპერების მიერ დაჩეხილი გენერალური გეგმის მხარდაჭერას. კონკრეტული დოკუმენტაცია გვაქვს წარმოდგენილი და აქ არის წარმოდგენილი ათასობით კონკრეტულ მისამართზე, სადაც სარეკრიაციო ზონები, იცვლება საცხოვრებელი ზონებით. ეს არანაირი ტექნიკური ხარვეზი არ იყო და თუ ამას გაასწორებენ ეს იქნება გუშინდელი გამარჯვება, როგორც ოპოზიციის ისე ტელეკომპანია „რუსთავი2“-ის, იმიტომ, რომ აქ გასული სიუჟეტის შემდეგ გადაწყვიტეს, რომ ეს „ტექნიკური ხარვეზი“ გაასწორონ. გამოდის ბოტანიკური ბაღი გადავარჩინეთ 14 ათას 500 კვადრატული მერი, რომ კიდევ არ მიეტაცებინა ოლიგარქს. ეს არანაირი ტექნიკური ხარვეზი არ არის,"- განაცხადა ლევან ხაბეიშვილი.