"დანაშაულში 5 ჯარისკაცი მონაწილეობდა და ერთი სერჟანტი, დაკავებულია მხოლოდ 2"- ნაცემი ჯარისკაცის ოჯახი მეთაურების დასჯასაც ითხოვს

პოლიტიკა - 12:40, 15 Mar, 2019

1148

კრწანისის სამხედრო ბაზაზე ფიზიკური ზეწოლის მსხვერპლი ახალგაზრდის, ქაზიმ გახრამონოვის ოჯახის წევრების თქმით, ძალადობასა და ფულის გამოძალვაში 5 სამხედრო მონაწილეობდა, ხოლო სამხედრო პოლიციამ მხოლოდ ორი მათგანი დააკავა. გახრამანოვები მეთაურების დასჯასაც ითხოვენ. ქაზიმ გახრამონოვი ამტკიცებს, რომ ძალადობას ფაქტს ესწრებოდა ერთ-ერთი სერჟანტი, რომლის გვარია უნდილაძე. თუმცა, როგორც ჩანს, გამოძიებამ ვერ დაადგინა მისი დანაშაული და მხოლოდ დაკავებული ორი წვევამდელია .

„როგორც გვითხრეს ორი პირია დაკავებული, თუმცა, ჩვენ მოვითხოვთ დანარჩენების დასჯასაც. დანაშაულში 5 ჯარისკაცი მონაწილეობდა და ერთი სერჟანტი, მათგან დაკავებულია მხოლოდ ორი სამხედრო, ვიცით, რომ იყო ერთი სერჟანტი, რომელიც ემუქრებოდა დაზარალებულებს და უშუალოდ მფარველობდა ფულის გამოძალვის ისტორიას. არ არის საკმარისი მხოლოდ რიგითების პასუხისგებაში მიცემა, უნდა დაისაჯონ მათი მეთაურებიც, დასჯა უნდა იყოს სამაგალითო, რომ სამხედრო ნაწილებში აღარ განმეორდეს ჯარისკაცების მიმართ არაადამიანური მოპყრობისა და ფულის გამოძალვის ფაქტები,“ - აცხადებს ქაზიმ გახრამანობის ძმა ფუად გახრამანოვი.

შეგახსენებთ,ჯარში ძალადობისა და ფულის გამოძალვის საქმეზე სამხედრო პოლიციამ ორი წვევამდელი დააკავა.