თიბისი ბანკის გენერალური დირექტორი ვახტანგ ბუცხრიკიძე, „ქართული ოცნების” დეპუტატს, საფინანსო საბიუჯეტო კომიტეტის თავმჯდომარეს შეხვდა. ეს ინფორმაცია დეპუტატმა ირაკლი კოვზანაძემ „რუსთავი2“-თან საუბრისას დაადასტურა. კოვზანაძის თქმით, თიბისი ბანკის გენერალური დირექტორი მზად არის ეროვნული ბანკის მოთხოვნაც დააკმაყოფილოს და 11 წლის წინანდელ ტრანზაქციასთან დაკავშირებით, ჯარიმა 1 მილიონი ლარი, გადაიხადოს. საფინანსო საბიუჯეტო კომიტეტის თავმჯდომარის განცხადებით, ეროვნულ ბანკსა და თიბისი ბანკს შორის უკვე ამოწურულია.

“ის თემატიკა, რომელიც არის „თიბისი“ ბანკს და საქართველოს ეროვნულ ბანკს, ერთობლივი წერილი, რომელიც გაფორმდა, ავალდებულებს საქართველოს ეროვნულ ბანკს თავისი მიმართულებით განავითაროს, „თიბისი“ ბანკს, რომ გააძლიეროს ჯანსაღი კორპორაციული მართვა და შეიყვანოს დამოუკიდებელი დირექტორები, „თიბისი“ ბანკის სამეთვალყურეო საბჭოში. ეს არის ეს არის უმნიშვნელოვანესი გადაწყვეტილება „თიბისი“ ბანკის აქციონერების. რაც შეეხება ჯარიმას, ეს არის ერთ-ერთი მთავარი გადაწყვეტილება აქციონერების, რომ ისინი წყვეტენ ყველა სასამართლო პროცესს „თიბისი“ ბანკისა საქართველოს ეროვნულ ბანკთან მიმართებაში და იხდიან ჯარიმას მილიონი ლარის ფარგლებში. აქედან გამომდინარე პრობლემა საქართველოს ეროვნულ ბანკსა და „თიბისი“ ბანკს შორის არის ამოწურული სრულად.“-განაცხადა ირაკლი კოვზანაძემ.