„ადამიანებს არ უყვართ სარკეში ჩახედვა" - მშვენიერაძე აშშ-ის სახელმწიფოს დეპარტამენტის უმწვავეს შეფასებაზე საუბრობს და მოსამართლეების ბრალდებებს პასუხობს

პოლიტიკა - 18:11, 14 Mar, 2019

1093

„საქართველოს დემოკრატიული ინიციატივას“ თავმჯდომარე იუსტიციის უმაღლესი საბჭოს მოსამართლე წევრების ბრალდებებს პასუხობს და ამბობს, რომ "ადამიანებს არ უყვართ ხოლმე სარკეში ჩახედვა, როდესაც მათი ილუზიები და წარმოდგენები საკუთარი მდგომარეობის შესახებ არის გაცილებით უკეთესი, ვიდრე სარკეში ჩანან. ასეთ ადამიანებს სარკეში ჩახედვა არ უყვართ“.

„ადამიანებს, რომლებსაც ჩვენი მართლმსაჯულების სისტემა აბარიათ, ელემენტარულად იმდენი ცოდნა და კომპეტენცია არ გააჩნიათ, რომ სწორად შეაფასონ ამერიკის სახელმწიფო დეპარტამენტის ანგარიშის მნიშვნელობა და ამ ანგარიშის შექმნის პროცესის სანდოობა. ამერიკის სახელმწიფო დეპარტამენტი ანგარიშს ჭორებზე არ წერს. ის დეტალურად ამოწმებს ყველა იმ ინფორმაციას, რომლის მიწოდებაც ხდება მისთვის. ადასტურებს რამდენიმე წყაროდან, სწორედ ასე ხვდება ესა თუ ის ინფორმაცია ამერიკის სახელმწიფო დეპარტამენტის ანგარიშში. ეს ანგარიში არის სარკე, რომელ სარკეშიც კარგად გამოჩნდა ის მდგომარეობა, რომელიც ადამიანის უფლებების კუთხით არსებობს ქვეყანაში. ის პრობლემები, რომელიც მართლმსაჯულებას აქვს საქართველოში,“- განაცხადა გიორგი მშვენიერაძემ.