ამერიკის შეერთებული შტატების სახელმწიფოდ ეპარტამენტმა საქართველოში არსებულ სიტუაციაზე 47-გვერდიანი კრიტიკული ანგარიში გამოაქვეყნა.

აღნიშნულს ოპოზიციის რიგებიდან გამოეხმაურნენ. გაერთიანებული ოპოზიციის „ძალა ერთობაშიას“ ერთ-ერთი ლიდერი სალომე სამადაშვილი აცხადებს, რომ ანგარიშის თანახმად, აღმოჩნდა, რომ ვცხოვრობთ სახელმწიფოში, სადაც ივანიშვილის პირადი დაკვეთით ხორციელდება ზეწოლა დამოუკიდებელ მედიაზე და არ არსებობს სამართლიანის ასამართლო:

„ძალადობის, ზეწოლისა და ტერორის ქვეშ ჩატარდა საპრეზიდენტო არჩევნების მეორე ტური. ჩვენ ვცხოვრობთ სახელმწიფოში, სადაც სუს-ი ერევა ჩვენს პირად სივრცეში, სუს-ი ახორციელებს მოქალაქეებზე თვალთვალს და ზეწოლას. პოლიტიკურ ოპონენტებს დევნიან და აუცილებლად მინდა, ვახსენო დავით კირკიტაძის საქმე, რომელიც არის ასევე მოხსენიებული ამ ანგარიშში. აღმოჩნდა, რომ ვცხოვრობთ სახელმწიფოში, სადაც ბიძინა ივანიშვილის პირადი დაკვეთით და პირადი ზედამხედველობის ქვეშ ხორციელდება ზეწოლა დამოუკიდებელ მედიაზე. ამ ანგარიშის თანხმად, აღმოჩნდა, რომ ამ სახელმწიფოში არ არსებობს დამოუკიდებელი სასამართლო,“ - განაცხადა სალომე სამადაშვილმა.