„აღმაშფოტებელი შემთხვევაა, აუცილებელია ოკუპირებულ ტერიტორიებზე საერთაშორისო თანამეგობრობის წვდომა“ - ზალკალიანი საოკუპაციო რეჟიმის მორიგ მსხვერპლზე

პოლიტიკა - 12:46, 14 Mar, 2019

1033

აფხაზეთის საოკუპაციო რეჟიმის მორიგი მსხვერპლი - 29 წლის ირაკლი კვარაცხელიას გარდაცვალების ფაქტზე საქართველოს საგარეო საქმეთა მინისტრმა დავით ზალკალიანმა კომენტარი გააკეთა და განაცხადა, რომ საქართველომ ყველა საერთაშორისო აქტორი საქმის კურსში ჩააყენა.

ზალკალიანი მიიჩნევს, რომ მომხდარი შემთხვევა კიდევ ერთხელ ამყარებს აზრს, რომ აუცილებელია ოკუპირებულ რეგიონებში საერთაშორისო თანამეგობრობას წვდომა ჰქონდეს:

„ექსპერტიზის დასკვნა როდის იქნება ამისდა მიუხედავად, საგარეო საქმეთა სამინისტრომ, ჩვენი კომპეტენციის ფარგლებში გადავდგით კონკრეტული ნაბიჯები. მყისიერად გვქონდა კომუნიკაცია ყველა საერთაშორისო აქტორთან, მათ შორის ევროკავშირის სპეციალურ წარმომადგენლებთან, გაეროს ოფიციალურ წარმომადგენლებთან, ჟენევის ყველა თანათავმჯდომარესთან, ყველა ჩვენი საელჩო არის ინფორმირებული და მათ მიეცათ ინსტრუქცია, რომ დაუყოვნებლივ აცნობონ ჩვენს საერთაშორისო პარტნიორებს. ეს აღმაშფოთებელი შემთხვევაა და კიდევ ერთხელ ამყარებს იმ აზრს, რომ აუცილებელია ოკუპირებულ ტერიტორიებზე, უკონტროლო ტერიტორიებზე, საერთაშორისო თანამეგობრობის წვდომა“-განაცხადა დავით ზალკალიანმა.

დავით ზალკალიანს დღეს პარლამენტშიდ ეპუატტები მოუსმენენ, მას 15:00 საათზე ელოდებიან.