"რუსთავი 2"-ის საქმე და სახელმწიფოს მხრიდან მედიაში ჩარევა - აშშ-ის სახელმწიფო დეპარტამენტის ანგარიში

პოლიტიკა - 22:13, 13 Mar, 2019

1461

ამერიკის სახელმწიფო დეპარტამენტმა ადამიანის უფლებების ყოველწლიური ანგარიშში "რუსთავი 2"-ის საქმეც მოხვდა.

აშშ-ის სახელმწიფო დეპარტამენტი შემაშფოთებლად მიიჩნევს მთავრობის მიერ მედიაში ჩარევას.

"შეშფოთება კვლავ არსებობს მთავრობის ჩარევაზე და კრიტიკაზე ოპოზიციისადმი მიკერძოებულობასთან დაკავშირებით ზოგიერთი მედია საშუალების მიმართ. განსაკუთრებით ქვეყნის ყველაზე დიდი აუდიტორიის მქონე ტელეარხის რუსთავი ორის მიმართ. 2017 წლის მარტში ადამიანის უფლებათა ევროპულმა სასამართლომ შეაჩერა უზენაესი სასამართლოს გადაწყვეტილება რუსთავი ორის ყოფილი მფლობელის ქიბარ ხალვაშისთვის გადაცემის შესახებ. რუსთავი ორი ფინანსური სირთულების წინაშე აღმოჩნდა გაყინული აქტივებისა და საგადასახადო დავალიანებების გადაცილების გამო. მარტში ულტრამემარჯვენე ჯგუფის ქართული მარშის წევრებმა დაზიანებები მიაყენეს რუსთავი ორის მანქანას და მის ჟურნალისტს, ტელეარხის ცნობილი წამყვანის გიორგი გაბუნიას წინააღმდეგ გამართული საპროტესტო აქციის დროს. მან ბიძინა ივანიშვილის ხეების შეგროვებაზე პირდაპირ ეთერში ხუმრობისას იესო ქრისტე ახსენა. მარშის წევრებმა პრეტენზია წაუყენეს ტელეარხს და გიორგი გაბუნიასგან რელიგიური გრძნობების შეურაცხყოფისთვის ბოდიშის მოხდა მოითხოვეს. არასამთავრობოებმა და უფლებადამცველებმა აქციის მონაწილეთა საქციელი სისხლის სამართლის დანაშაულად და ჟურნალისტის პროფესიულ საქმიანობის ხელისშეშლად შეაფასეს" - აღნიშნულია ანგარიშში.