წამება ციხეებში, მკვლელობა და ნდობადაკარგული სასამართლო - აშშ-ის სახელმწიფო დეპარტამენტის მწვავე ანგარიში საქართველოზე

პოლიტიკა - 21:34, 13 Mar, 2019

1604

ამერიკის სახელმწიფო დეპარტამენტმა მსოფლიოს ადამიანების უფლებების შესახებ ყოველწლიური ანგარიში გამოაქვეყნა.

დოკუმენტში 47 გვერდი საქართველოს ეთმობა, სადაც დეტალურად არის აღწერილი საპრეზიდენტოს არჩევნების მიმდინარეობის დროს მნიშვნელოვანი დარღვევები.

ანგარიშის მიხედვით საქართველოში პოლიტიკურ ძალადობაზე პასუხისმგებლობის დაკისრება პრობლემად რჩება.

„ეუთოს დამკვირვებლებმა საპრეზიდენტო არჩევნების პირველი ტური კონკურენტულად და პროფესიონალურ დონზე ორგანიზებულად შეაფასეს. თუმცა შეშფოთება გამოთქვეს არათანაბარი გარემოს, ამომრჩევლის დაშინების და შურისძიების შიშის არსებობის გამო. დამკვირვებლებმა გაიმეორეს თავიანთი შეშფოთება მეორე ტურის შემდეგაც. მათი შეფასებით, მიუხედავად იმისა, რომ კანდიდატებს თავისუფალ გარემოში შეეძლოთ კამპანიის ჩატარება, ერთი მხარე სარგებლობდა გაუმართლებელი უპირატესობით და კამპანიის ნეგატიურმა ხასიათმა ორივე მხარეს ძირი გამოუთხარა პროცესს. პოლიტიკურ ძალადობაზე პასუხისმგებლობის დაკისრება პრობლემად რჩება. მათ შორის საპრეზიდენტო არჩევნების მეორე ტურის წინ ოპოზიციის წარმომადგენლებზე მომხდარი თავდასხმების ჩათვლით. ერთ-ერთი ინციდენტის დროს, ახალქალაქში "ერთიანი ნაციონალური მოძრაობის" აქტივისტებს სცემეს, მიყენებული დაზიანებები საკმარისად სერიოზული იყო და რამდენიმე დღიან ჰოსპიტალიზაციას საჭიროებდა. შინაგან საქმეთა სამინისტრომ "ქართული ოცნების" 5 აქტივისტს ბრალი წაუყენა. პროკურატურამ გამოძიება დაიწყო ივნისში მარნეულის მერის მიერ მოქალაქეზე თავდასხმის გამო, რომელსაც აიძულა ბოდიში მოეხადა და საკუთარი შარდი წაესვა სახეზე" - აღნიშნულია ანგარიშში.