ქართულ ოცნებისგან წასულები ახალ პარტიას ქმნიან.საზოგადოებრივი მოძრაობის ლიდერი პოეტი დავით მაღრაძე იქნება.

პარტია რამდენიმე დღეში ოფიციალურად დაფუძნდება, წევრები კი ქართულ ოცნებაზე განაწყენებული და გუნდიდან უკვე წასული ე.წ. ძველი გვარდიელები იქნებიან.

ეკა ბესელია, სავარაუდოდ, ახალი მოძრაობის ერთ-ერთი წევრი გახდება, რადგან ამბობს, რომ მმართველ გუნდსა და ქვეყანაში არსებულ პოლიტიკურ კრიზისზე ზუსტად ერთნაირი შეხედულება აქვთ. პარტიიდან დემარშით წასული ბესელია დავით მაღრაძის მოძრაობას ე.წ. მესამე ძალად ასახლებს, რომელიც, სავარაუდოდ, ძალებს მომავალ საპარლამენტო არჩევნებში მოსინჯავს.

დავით მაღრაძე, რომელიც საპრეზიდენტო არჩევნების მეორე ტურის წინ სახელისუფლებო კანდიდატის სასარგებლოდ ხმების მოსაგროვებლად ხანგრძლივი პაუზის შემდეგ პოლიტიკურ სცენაზე დაბრუნდა, ახლა ამბობს, რომ ქართულ ოცნებას ხალხის აღარ ესმის.

მოძრაობა ქართულ ოცნებაზე განაწყენებული და ნაციონალური მოძრაობის მიმართ რადიკალურად განწყობილი წევრებით დაკომპლექტდება. გამორიცხული არ არის, სწორედ ამ მოძრაობის აქტიურობით გადაინაცვლონ ქუჩის აქციებზე მმართველი გუნდიდან დემარშით წასულმა პოლიტიკოსებმა.