საქართველოს პრემიერ-მინისტრი მამუკა ბახტაძე გუნდში შესაძლო განხეთქილების არსებობას უარყოფს. მისი განცხადებით, იმ შემთხვევაში თუ ადგილი ექნება ცვლილებებს, ამას პირველ რიგში მედია შეიტყობს:

„ძალიან ისეთ სიტყვებს ხმარობთ...არაფერი განხეთქილება არ შეიძლება არსებობდეს ჩვენს გუნდში. დღეს მე გავეცი ამ თემას პასუხი. საკითხი შეეხებოდა ერთ-ერთ ინიციატივას, საკითხს, რომლის გარშემოც არსებობდა აზრთა სხვადასხვაობა. მოხდა პოზიციების შეჯერება. ჩემი, როგორც მთავრობის მეთაურის, ვალდებულება და მოვალეობაა, თითოეულ საკითხზე მოხდეს პოზიციების შეჯერება და მივიღოთ საუკეთესო გადაწყვეტილება. ასეთი საკითხები, გარწმუნებთ, საკმაოდ ხშირად არის მთავრობის სხდომაზე. ჩემი როგორც პრემიერის მოვალეობაა, მოვახდინო საკითხის შეჯერება“, - განუცხადა მამუკა ბახტაძემ ჟურნალისტებს.