დავით კირკიტაძე პატიმრობაშ რჩება - გურჯაანის რაიონულმა სასამართლომ დღევანდელ სასამართლო პროცესზე არ დააკმაყოფილა ადვოკატის შუამდგომლობა და კირკიტაძე არ გაათავისუფლა.

გაერთიანებული ოპოზიციის „ძალა ერთობაშიას“ ერთ-ერთი ლიდერის ზაალ უდუმაშვილის განცხადებით, მოსამართლემ მურუსიძე-ჩინჩალაძეს უვადოდ გამწესების გამო ხარკი გადაუხადა:

„ეს იყო პირდაპირ ხარკის გადახდა მოსამართლის მხრიდან მურუსიძე-ჩინჩალაძის კლანისთვის იმის გამო, რომ ერთი თვის წინ ეს ქალბატონი გაამწესეს უვადოდ მოსამართლედ. სამარცხვინოა, რომ შეიძლება კიდევ ოცი წლის შემდეგ ამ ქალბატონმა ჩვენი და ჩვენი შვილების საქმეები განიხილოს. ის, რა გადაწყვეტილებაც დღეს მიიღო, არანაირ სამართლებრივ ჩარჩოში არ ჯდება იმიტომ, რომ ყველანაირი დარღვევით მან უბრალოდ თქვა, რომ ასე მინდა და ასე გადავწყვეტ, მეტი ამას არაფერი არ ჰქვია,“ - განაცხადა ზაალ უდუმაშვილმა.