დავით კირკიტაძე პატიმრობაშ რჩება - გურჯაანის რაიონულმა სასამართლომ დღევანდელ სასამართლო პროცესზე არ დააკმაყოფილა ადვოკატის შუამდგომლობა და კირკიტაძე არ გაათავისუფლა.

გაერთიანებული ოპოზიციის „ძალა ერთობაშიას“ ერთ-ერთი ლიდერი გრიგოლ ვაშაძის განცხადებით, მოსამართლეს ინსტრუქცია ჰქონდა მიღებული და კირკიტაძის პატიმრობაში დატოვებასთან დაკავშრებით გადაწყვეტილება, მისთვის გასაგები იყო:

„მიუხედავად იმისა, რომ წინა სხდომაზე მოითხოვა - მაჩვენეთ ეს პარლამენტარები და მაჩვენეთ ის ხალხი, ვინც აიღო პასუხისმგებლობა, ვინც თავდებად დაუდგა ბატონ დავით კირკიტაძეს, მინდა შევამოწმო მართლა ესმით თუ არა ის სამართლებრივი ვალდებულებები, რომელიც აიღესო. აგერ არის 27 პარლამენტარი და დაახლოებით, 4 ათასამდე პარლამენტარი, მაგრამ ინსტრუქცია უკვე მიღებული ჰქონდა, ასე, რომ ჩემთვის ეს განჩინება, გადაწყვეტილება, რაც გამოიტანეს, სრულად გასაგები არის. როგორც კი ეს პოლიცია დავინახე, უკვე ყველაფერი გასაგები იყო, რომ ამ ე.წ. მოსამართლეს ქალბატონ ნემსიწვერიძეს მითითება, ინსტრუქცია უკვე მიღებული ჰქონდა იმაზე, როგორ უნდა დაემთავრებინა სასამართლოს ეს სხდომა“, - განაცხადა გრიგოლ ვაშაძემ.