„ხელისუფლებამ მოსამართლის განზრახვაზე შესაბამისი ზომები მიიღო“- ბოკერია კირკიტაძის პატიმრობაში დატოვებაზე

პოლიტიკა - 13:52, 12 Mar, 2019

936

გაერთიანებული ოპოზიციის „ძალა ერთობაშიას“ ერთ-ერთი ლიდერი დავით კირკიტაძე, გურჯაანის რაიონულმა სასამართლომ კვლავ პატიმრობაში დატოვა. მოსამართლემ ადვოკატის შუამდგომლობა კირკიტაძის გათავისუფლებასთან დაკავშირებით არ გაითვალისწინა.

„ევროპული საქართველოს“ ერთ-ერთი ლიდერის გიგა ბოკერიას განცხადებით, შესაძლოა მოსამართლეს თავიდან ჰგონდა ინსტიქტი, შემდეგ კიხ ელისუფლებამ შესაბამისი ზომები მიიღო:

„სასამართლომ ჯერ თავდებში მდგომები დაგვიბარა, ეს შეიძლება ლოგიკური ყოფილიყო, შეიძლება გასაუბრება სურდა და დარწმუნება ჩვენი თავდებობის მოტივაციაში რაში მდგომარეობდა, რატომ გვაქვს მყარი რწმენა, რომ კირკიტაძის შემთხვევაში მიმალვის საფრთხე ნულოვანია.

ადრე, როდესაც დავით კირკიტაძის წინააღმდეგ საქმე აღიძრა, ის საქართველოში არ იმყოფებოდა, სასწავლებლად იყო წასული და დაბრუნდა, რადგან პოლიტიკურ ცხოვრებაში სურს მონაწილეობის მიღება. მიმალვა აბსოლუტურად გამორიცხულია.

სრულიად უსაფუძვლოდ, ყოველგვარი არგუმენტის გარეშე, აღარ განხილვა ამ შუამდგომლობის, იმის დემონსტრირება იყო, რომ ამ მოსამართლეს შესაძლოა, თავიდან ჰქონდა რაღაც ინსტიქტი და შემდეგ შესაბამისი ზომები მიიღო ხელისუფლებამ, მის ამ განზრახვასთან დაკავშირებით. ეს არის კატასტროფული ვითარება", -განაცხადა ბოკერიამ.