„მოსამართლეს დღეს აქვს შანსი, რომ სამართლებრივ სივრცეში და ჯანსაღი აზრის ფარგლებში დაბრუნდეს"- გიგი უგულავა

პოლიტიკა - 13:08, 12 Mar, 2019

784

გაერთიანებული ოპოზციიის „ძალა ერთობაშია“ ერთ-ერთი ლიდერის დავით კირკიტაძის სასამართლო პროცესი გურჯაანის რაიონულ სასამართლოში - სასამართლოს შენობის ეზოში დიდი რაოდენობით სამართალდამცავები არიან მობილიზებულები. ადგილზე ოპოზიციის ლიდერები, თანაგუნდელები და მხარდამჭერები იმყოფებიან.

„ევროპული საქართველოს“ ერთ-ერთი ლიდერის გიგი უგულავას განცხადებით, მოსამართლეს აქვს შანსი დარჩეს სამართლებრივ სივრცეში და არ არსებობს არანაირი წინაპირობა იმისთვის, რომ კირკიტაძე წინასწარ პატიმრობაში დარჩეს:

„მოსამართლეს დღეს აქვს შანსი, რომ სამართლებრივ სივრცეში და ჯანსაღი აზრის ფარგლებში დაბრუნდეს, არანაირი სამართლებრივი წინაპირობა არ არსებობს იმისათვის, რომ კირკიტაძე აღკვეთის ღონისძიების სახით წინასწარ პატიმრობაში დარჩეს. სამართლებრივად ეს არის აბსურდი, პროკურატურაზე არც ვლაპარაკობს, იმიტომ, რომ პროკურატურამ იმთავითვე არაადეკვატური მუხლი წაუყენა ადამიანს, პოლიტიკურ აქტივისტს, რომელმაც შეიძლება შეცდომა დაუშვა, მაგრამ მას წაყენებული აქვს მუხლი, რომელსაც ყაჩაღობის დროს იარაღიდან ტყვიას რომ ესვრის პოლიციელს, აი, ის მუხლი აქვს წაყენებული, ამიტომ არის პროკურატურა აბსოლუტურად არაადეკვატური, პოლიტიკური დასჯის მექანიზმი და ინსტრუმენტი. ჩვენ თუ არ შევთანხმდით თამაშის წევრებზე, რომ ყაჩაღს, ბანდიტს და პოლიტიკურ აქტივისტს, ერთი და იგივე მუხლის წაყენება შეუძლებელია, ამითი მართლსაჯულების დანგრევა და ფეხქვეშ გათელვა ხდება, რომელიც ყველა ადამიანს ეხება უკვე, წინ ვერ წავიწევით და სამართლებრივი სივრციდან თუ გავედით, მაშინ უნდა დავიცვათ იმით თავის, როთაც შევძლებთ, მივიღებთ სრულ ქაოსს და ამაზე პასუხისმგებელი იქნება ივანიშვილი“, - განაცხადა გიგი უგულავამ.