„დარწმუნებული ვარ გახარიას კირკიტაძისთვის ადგილის გაცვლა მოუწევს“

„დარწმუნებული ვარ გახარიას კირკიტაძისთვის ადგილის გაცვლა მოუწევს“ - ნიკა მელია

პოლიტიკა - 12:45, 12 Mar, 2019

956

გურჯაანის რაიონულ სასამართლოში გაერთიანებული ოპოზიციის „ძალა ერთობაშიას“ ერთ-ერთი ლიდერის დავით კირკიტაძის საქმის განხილვა იწყება, სასამართლოს ეზოში კი დიდი რაოდენობით სამართალდამცავები არიან მობილიზებულები.

სასამართლო პროცესს ოპოზიციის ლიდერებიც დაესწრებიან. „ძალა ერთობაშიას“ ერთ-ერთი ლიდერისა და ენმ-ის პოლიტიკური საბჭოს თავმჯდომარის, ნიკა მელიას განცხადებით, შს მინისტრის გიორგი აგხარიას ინტერესია დავით კირკიტაძის პატიმრობა, მისივე თქმით, უახლოეს პერიოდში შს მინისტრს კირკიტაძისთვის ადგილის გაცვლა მოუწევს:

„პოლიციის რაოდენობით თუ ვიმსჯელებთ, არანაირი იმედი არ შეიძლება გვქონდეს, რომ კირკიტაძეს შეუფარდებენ გირაოს, ყველა, ვისაც კი ედავებოდა ხელისუფლება მსგავსი მუხლით, რაც დათოს აქვს წაყენებული და დააპატიმრა, არის გათავისუფლებული, რაც ძალიან კარგია, გარდა დათო კირკიტაძისა და რატომ მხოლოდდამხოლოდ დათო კირკიტაძე? იმიტომ, რომ ის არის ერთ-ერთი ლიდერი „ნაციონალური მოძრაობის“ და პარტიაში ერთ-ერთი მთავარი რგოლის ხელმძღვანელი. გახარიას ინტერესი არის ძალიან დიდი, რომ კირკიტაძე კვლავ პატიმრობაში დარჩეს, მე პირადად ნაკლებად მაქვს იმედი იმისა, რომ ამ ყველაფრის შემყურე, კირკიტაძეს გახარია გაათავისუფლებს დღეს, მაგრამ უახლოეს პერიოდში, მე დარწმუნებული ვარ გახარაის მოუწევს ადგილის გაცვლა დათო კირკიტაძისთვის“, - განაცხადა ნიკა მელიამ.