წულუკიანის მუქარა და სამთავრობო ცვლილებები - "ამ საკითხს მთავრობაში განიხილავენ და ჩვენ, საპარლამენტო უმრავლესობა ჩარეულები არ ვართ"

პოლიტიკა - 11:50, 12 Mar, 2019

1093

"ქართული ოცნების" ერთ-ერთი ლიდერი არ ეთანხმება მოზასრებას, რომ მმართველ პარტიასა და მთავრობაში რღვევაა დაწყებული.

მდინარაძე "ნიუპოსტთან" წულუკიანის მუქარას გამოეხმაურა და თქვა, რომ საპარლამენტო უმრავლესობაში წულუკიანის შესაძლო გადადგომის შესახებ ინფორმაცია არ აქვთ.

"ნიუპოსტის" არაერთი კითხვის მიუხედავად, მდინარაძემ არ უპასუხა კითხვას, უკავშირდება თუ არა წულუკიანის გუნდთან დაპირისპირება სასჯელაღსრულებისა და იუსტიციის სამინისტროს გაერთიანებას? - "არ ვილაპარაკებ ამ კონკრეტულ თემაზე, გამორიცხულია. ეს ირიბად მაინც იქნება რაღაცის დადასტურება და ამას არ ვაპირებ"- აღნიშნა მამუკა მდინარაძემ.

მისი თქმით, სამთავრობო ცვლილებები პრემიერის პრეროგატივაა.

"საპარლამენტო გუნდში ასეთი ინფორმაციები არ არის. ეს მთავრობის პრეროგატივაა და მთავრობაში განიხილავენ ამ საკითხს და თუ საჭიროდ ჩათვლიან ალბათ, რომ შემდეგ გამოვიდეს ინფორმაცია ამის შესახებ. ჩვენ, მთელი პასუხისმგებლობით გეუბნებით, რომ ჩვენ, საპარლამენტო უმრავლესობა ჩარეულები არ ვართ ამაში, და ამის შესახებ ინფორმაციაც ძალიან მწირია, პრაქტიკულად არ არის. შიდა სამთავრობო განხილვის თემაა, რაზეც ისინი გარეთ არ საუბრობენ"- თქვა მდინარაძემ.

კითხვაზე, გამორიცხავს თუ არა გუნდზე განაწყენებული წულუკიანი, "ოცნებიდან" დემარშით წასულ ბესელიას შეუერთდეს, მამუკა მდინარაძემ თქვა, რომ - "არა".

"მსგავს თემებზე ჩვენ დღეს ვერაფრით ვისაუბრებთ. არ შეიძლება ამაზე საუბარი, არასერიოზულია. ინფორმაციაც კი არ არსებობს საზოგადოებაში, საპარლამენტო გუნდშიც კი"- გვითხრა დეპუტატმა.

არსებული ინფორმაციით, თეა წულუკიანის მმართველ ძალასთან დაპირისპირება სასჯელაღსრულებისა და იუსტიციის სამინისტროს გაერთიანებას უკავშირდება.