„TBC-ს საქმე უკვე დიდი ხანია გასცდა კონკრეტულ ტრანზაქციას"- სალაძე ხაზარაძისთვის გაგზავნილი მუქარის შემცველ წერილზე

პოლიტიკა - 11:41, 12 Mar, 2019

773

„ახალგაზრდა იურისტთა ასოციაციის“ თავმჯდომარე, სულხან სალაძე გამოძიების დაწყების აუცილებლობაზე საუბრობს - საქმე ეხება მამუკა ხაზარაძის სკანდალურ განცხადებას, რომელის თანახმადაც, „თიბისი ბანკის“ ერთ-ერთმა დამფუძნებელმა შს მინისტრ, გიორგი გახარიასგან მუქარის შემცველი წერილი მიიღო.

სალაძე ამბობს, რომ კრიტიკულად მნიშვნელოვან საკითხებზე საგამოძიებო უწყებები არის პოლიტიკურად მოწყვლადი.

„საკმაოდ მოულოდნელი იყო პროკურატურის განცხადება, რომ ამ წერილის ამბავზე გამოსაძიებელს ვერაფერს ხედავს. თუ ვინმე ფიქრობს, რომ ამ ტიპის წერილებს ხელს აწერენ ან თარიღს მიაწერენ იდენტიფიკაციისთვის, ცხადია, ასე არ ხდება.

სწორედ გამოძიების ვალდებულებაა სხვადასხვა მტკიცებულებების შეჯერების და გამოძიებით იყოს შედეგი დადებული და დოკუმენტი ჩაითვლება თუ არა მტკიცებულებად, ამის შემდეგ უნდა გადაწყდეს. რაზეც ამ წერილშია საუბარი, ის უკვე ვნახეთ ჩვენ. ამ წერილის შემდეგ ახალ ელემენტს ვიღებთ - „ტვ პირველის“ საქმეს. დიდი ხანია უკვე „თიბისი ბანკის“ საქმე გასცდა კონკრეტულ ტრანზაქციას“, - განაცხადა სულხან სალაძემ.