საქართველოს იუსტიციის მინისტრის თეა წულუკიანის თანამდებობიდან შესაძლო წასვლის შესახებ კომენტარი მმართველი პარტიის ყოფილმა წევრმა ეკა ბესელიამ გააკეთა.

ბესელიას თქმით, მისთვის მნიშვნელოვანია, დაინახოს ის პროცესი, რამაც გუნდში შიდა უკმაყოფილება და უთანხმოება გამოიწვია:

„არ ვიცი რა ხდება, ვერ გეტყვით. თეა წულუკიანი არის გამოცდილი და ერთ-ერთი ყველაზე გამორჩეული მთავრობის შემადგენლობაში და ამიტომ, ჩემთვის ძალიან მნიშვნელოვანია პირადად დავინახო ის პროცესი, რამაც გამოიწვია ასეთი შიდა უკმაყოფილება და უთანხმოება. მე არ ვიცი დეტალები, ამიტომ ვერ გავაკეთებ რაიმე კონკრეტულ კომენტარს, მაგრამ იმედი მაქვს, რომ ინსტიტუციურად არ დააზიანებს ეს პროცესი იმ გზას და იმ რეფორმებს, რაც ქვეყანას დემოკრატიისთვის ნამდვილად სჭირდება“, - განაცხადა ეკა ბესელიამ.