მირზა სუბელიანი ციხეს ტოვებს, კუპრავა პატიმრობაში რჩება, სარალიძის მკვლელი კვლავაც დაუსჯელია - "ხელისუფლება ოდიოზური პერსონების მძევალია..."

პოლიტიკა - 22:56, 10 Mar, 2019

1242

მოზარდების მკვლელობის საქმეზე დანაშაულის შეუტყობინებლობის ბრალდებით დაკავებულ მირზა სუბელიანს სასამართლომ ერთი წელი და ერთი თვე პატიმრობა შეეფარდა.

ვინაიდან სუბელიანს 9 თვე სასჯელი მოხდილი აქვს, სამ თვესი მისი დაცვის ქვეშ მყოფი სასჯელაღსრულების დაწესებულებას დატოვებს.

სასამართლომ ბრალდების მხარის წარდგენილი მუხლი გადააკვალიფიცირა. მოსამართლე ლელა ნოზაძემ, მირზა სუბელიანი დანაშაულის დაფარვისთვის გაამტყუნა და არა პროკურატურის მიერ წარდგენილი ბრალდებით – დანაშაულის შეუტყობისთვის. სუბელიანინს ბრალდება გადაკვალიფიცირდა სისხლის სამართლის 376-ე მუხლიდან ამავე კოდექსის 375-ე მუხლით. 376-ე მუხლის მეორენ ნაწილი სასჯელის ზომას 2-დან 6 წლამდე თავისუფლების აღკვეთას ითვალისწინებს, ხოლო 375-ე მუხლით კი სასჯელი ერთიდან 4 წლამდე პატიმრობაა.
ჩნება ეჭვი, რომ აღნიშული გადაწყვეტილება იმ შეპირების შესრულებას ნიშნავს, რომელიც მურზა სუბელიანსა და დეპუტატ ვიქტორ ჯაფარიძეს შორის არსებული აუდიო ჩანაწერიდან ირკვევა. მაშინ სუბელიანს ხელისუფლება ჰპირდებოდა რომ ციხეში ერთ წელზე მეტს არ გაატარებდა. როგორც სჩანს ეს შეთანხმება სისრულეში მოყვანა სასამართლომ.

ამ დრომდე არაა დადგენილი ხორავას ქუჩაზე მოკლული დათუნა სარალიძის მკვლელი.
ოპოზიციაში აცხადებენ, რომ აგონიაში მყოფი ოცნების ხელისუფლება იმ ოდიოზური პერსონების მძევალია, რომელიც მათივე წიაღში წარმოიშვნენ.

"მათ იციან ძალიან ბევრი საქმე, რომელიც აქვთ გაკეთებული, იციან ვინ იყო ამ შავი საქმეების შემკვეთი და აღმსრულებლები. ფაქტიურად მძევლად ჰყავთ აყვანილი... ფარცხალაძე, სუბელიანი, უჩა მამაცაშვილი, რომლის ოჯახის წევრები არჩეულ მერს ცემენ და ამისთვის არ ისჯებიან... ეს ადამიანები ჩვენზე ბევრად მეტად არიან ინფორმირებული და იციან, რამდენად მძიმედაა დაავადებული ივანიშვილის ხელისუფლება და კიდევ უფრო მძმე მდგომარეობაში ამყოფებენე... საწოლისა და ავადმყოფის ცნობილი ფრაზა მახსენდება, როცა ვუყურებ იმ მოვლენებს, რაც ეხლა ხდება" - აცხადებს მურთაზ ზოდელავა.

"ჩვენ გვაქვს ინფორმაცია, რომ მისი ერთ-ერთი დავალება იყო ასევე ის, რომ სარალიძის საქმის უშუალო გამომძიებელი, რომელიც ბოლომდე ჩაყვა ამ საქმეს, ზვიად კუპრავა, დამჯდარიყო იმავე საკანში, რომლეშიც თვითონ ზის მირზა სუბელიანი და ეს მოთხოვნაც შეუსრულეს, ფაქტია, რომ არაფრის გამოა ის დაჭერილი" - აცხადებს ზოდელავა.

ზვიად კუპრავას დაპატიმრების ფაქტს. სასამართლოს უპატივცემულობისთვის ზვიად კუპრავას აღმკვეთი ღონისძიების სახედ გირაო ჰქონდა შეფარდებული, რომელიც პატიმრობადმისთვის კიდევ ერთი ბრალის წარდგენის შემდეგ შეიცვალა. კუპრავა ძალადობაში ადვოკატმა ირაკლი ზაქარეიშვილმა დაადანაშაულა.

ადვოკატი ლევან დავითაია ამბობს, რომ საქართველოს სამართლებრივ პრაქტიკაში დაახლოებით 40-მდე საქმეა განხილული და არცერთ საქმესთან მიმართებაში გამოძიება არ დაწყებულა სასამართლოს მიმდებარედ რაიმე ქმდებიდან გამომდინარე. "სასამართლოს დარბაზიდან გარეთ არცეთი ქმდება არ ჩათვლილა დანაშაულად. ეს არის პირველი შემთხვევა და ახალი ნორმატიული შინაარსი შესძინა გამოძიებამ ამ მუხლს".

საქალაქოს გარდა ამ საქმის განხილვა საკონსტიტუციო სასამართლოშიც მოხდება. ადვოკატებმა ზვიად კუპრავასთვის ბრალის წარდგენა პროკურატურის მხრიდან გამოხატვის თავისუფლებისადმი გალაშქრების მცდელობად შეაფასეს.