თაკო ჩარკვიანის პარტია „კანონი და სამართალი“ ხვალ დაფუძნდება

პოლიტიკა - 20:19, 09 Mar, 2019

1791

ხვალ ახალი პარტია - „კანონი და სამართალი“ დაფუძნდება

„2019 წლის 10 მარტს, გაიმართება პოლიტიკური გაერთიანების - „კანონი და სამართალი“ სადამფუძნებლო ყრილობა (მის.: აკ. წერეთლის გამზირი 118, „ექსპოჯორჯია“, მე-3 პავილიონი). ყრილობა დაიწყება 14:30 საათზე, წინასწარი რეგისტრაცია კი - 10:00 საათზე“, - ნათქვამია პარტიის პრესსამსახურის მიერ გავრცელებულ განცხადებაში.

პარტიის დამფუძნებელი პუბლიცისტი თაკო ჩარკვიანია. ახალ პარტიაში ასევე, იქნებიან ადვოკატი მიხეილ რამიშვილი, ირაკლი ღლონტი, ქეთევან ენუქიძე, გიორგი ცობეხია, ვატო გელაშვილი და სხვები.
როგორც თაკო ჩარკვიანმა „ნიუპოსტს“ განცხადა, „კანონი და სამართალი“ მემარვჯვენე-ცენტრისტული პარტიაა და გაერთიანებულ ოპოზიციასთან ითანამშრომლებს.

„ძალიან საინტერესო პროგრამითა და თანამოაზრეებით წარვდგებით საზოგადოების წინაშე. გვექნება შეთავაზებები ოპოზიციისადმი და ამაზე უფრო კონკრეტულად ყრილობაზე ვისაუბრებთ. ჩვენი საქმიანობის მთავარი მიმართულება იქნება ანტიკორუფციული კანონის რეალურად ამოქმედება და სასამართლო სისიტების რეფორმა, რადგან თუ სასამართლო სისიტემა დამოუკიდებელი და მიუკერძოებელი არ იქნება, ქვეყანა კორუფციისგან ვერ გათავისუფლდება,“ - ამბობს თაკო ჩარკვიანი.