ეკა ბესელიას თქმით, სანამ პარლამენტის თავმჯდომარე ირაკლი კობახიძეა, კერძო კომპანია გუნდს ვერ დაეხმარება.

„ვიდრე ირაკლი კობახიძე პარლამენტის თავმჯდომარეა და ასეთი სახე ჰყავს პარლამენტს და ის არის „ქართული ოცნების“ სახელით და ვიდრე ჰყავთ ასევე სხვა პირები, აღარ მინდა გვარების ჩამოთვლა, ასეთი კომპანიები, მიუხედავად მათი გამოცდილებისა თუ ბიოგრაფიაში შთამბეჭდავი და მომხიბვლელი ჩამონათვალისა, ვერ უშველის,“ - განაცხადა ეკა ბესელიამ.

გედევან ფოფხაძის თქმით კი კოლბაში გამოყვანილი პოლიტიკოსები ქვეყანას ვერ წაადგებიან.

„კომპანიებმა კი არ უნდა შექმნას პოლიტიკოსები, არამედ პოლიტიკურმა პროცესმა უნდა შექმნას და ისინი, როგორც ლიდერები ისე უნდა ყალიბდებოდნენ და ასეთი ხელოვნური, კოლბაში გამოყვანილი პოლიტიკოსები რომ ხალხს და ქვეყანას კარგს არაფერს არ აძლევენ, ამაში დარწმუნებული ვარ. პოლიტიკოსი უნდა შექმნას მისმა ბიოგრაფიამ, რაღაც გაჭირვებამ,“- განაცხადა გედევან ფოფხაძემ.

კომენტარი გააკეთა ზვიად კვაჭანტირაძემაც.

„შეიძლება დაიქირავო უმაღლესი დონის პიარსპეციალისტები, მაგრამ როდესაც შენ იცი, რომ შენი საქმე წასულია, მე მგონი, იქ საშველი აღარ არსებობს,“- განაცხადა ზვიად კვაჭანტირაძემ.