საბჭოთა "ცეხავიკების" ფსიქოლოგია... მერე იტყვიან ხელისუფლებამ "დედა გვიტირაო"- ჯაფარიძე ბიზნესმენებს მიმართავს

პოლიტიკა - 15:34, 07 Mar, 2019

1151

ზურაბ ჯაფარიძე ქართული ბიზნესის წარმომადგენლებს, TBC ბანკის საქმეზე დუმილის გამო აკრიტიკებს და შემდეგი განცხადებით მიმართავს: "საბჭოთა "ცეხავიკების" ფსიქოლოგიის ბიზნესმენები, რომლებიც ყველა ხელისუფლებასთან დაპირისპირებას ერიდებიან".

ზურა ჯაფარიძე მოუწოდებს ბიზნესმენებს, ღიად ისაუბრონ იმ საქმეზე, რომელსაც სამართლებრივ დავასთან კავშირი არ აქვს.

"ძალიან ცალსახაა, რომ ამ ადამიანებთან სახელმწიფო არ არის მართალი, ეს არის სამართლებრივი დავა და ეს არის ჩვეულებრივი პოლიტიკური ამბავი. ქართველ ბიზნესმენებს რომ ეძახიან, ვინც ქართული ბიზნესის სახელით გამოდიან ხოლმე ტელევიზორში და აპრავებენ ხოლმე ძირითადად მთავრობის სხვადასხვა ინიციატივებს იმათმა ხმა ამოიღონ და დააფიქსირონ საკუთარი პოზიცია და დაუდგნენ იმ ადამიანებს გვერდით, ვინც მათი ბიზნესსპარტიონერები არიან.

ესენი სინამდვილეში არანაირი ბიზნესმენები არ არიან. არიან საბჭოთა "ცეხავიკების" ფსიქოლოგიის ადამიანები, რომლებიც წლებია შეკრული არიან სხვადასხვა ხელისუფლებებთან იმისთვის, რომ მიიღონ პრივილეგიები.

ისიც მესმის, რომ ისტორიული გამოცდილება უჩვენებთ,რ ომ ასე ჯობს გააგრძელონ ვიდრე ის რომ ბრძოლაში გადაეშვნენ თავით, მაგრამ როდემდე შეიძლება ასე გააგრძელონ როდემდე შეიძლება შიშში იცხოვრონ , ოღონდ მეც არ შემეხოს ვიღაცა. ისევ არიან მოლოდინის რეჯიმში და მერე გამოლაგდებიან და იტყვიან,რომ წინა ხელისუფლებამ დედა გვიტირა და ა.შ, ახლა ამოიღონ ხმა, ახლა აქვს ამას ფასი,“- აცხადებს ზურა ჯაფარიძე.